قاتل صغير شبرا: بشرب بيرة كل يوم.. وعندي انحرافات جنسية

كشف قاتل صغير شبرا الخيمة بالتحقيقات أمام النيابة العامة، عن تفاصيل مثيرة في واقعة قتل أحمد المعروف بطفل شبرا، بعد أن استدرجه لشقة سكنية وقتله، وذلك تنفيذا لطلب شخص مصري مقيم بالكويت تعرف عليه بموقع الدارك ويب الخاص بتجارة الأعضاء البشرية، باختيار أحد الأطفال لسرقة أعضائه البشرية مقابل مبلغ 5 ملايين جنيه.

اعترافات قاتل صغير شبرا الخيمة

ويواصل القاهرة 24، نشر نص تحقيقات القضية رقم 1820 لسنة 2024 إداري قسم أول شبرا الخيمة، وبسؤال قاتل صغير شبرا الخيمة عن سبب تركة لأسرته أجاب: أنا سبت بيت أهلي من 11 سنة لأن أبويا طردني بعد ما كان فيه مشكلة إني ماضي على إيصال أمانة، وعرف إني بتعاطى ترامادول وإني عندي ميول للشذوذ الجنسي.

وتابع قاتل صغير شبرا الخيمة: أنا من 8 سنين كنت متجوز واحدة اتعرفت عليها، واتجوزتها رسمي وكنا قاعدين في بيت عيلتها في ميت نما ناحية التلاجة، واطلقنا بعد كام شهر من الجواز عشان مفيش وفاق بنا ومكنش بينا أطفال لأنها كانت كانت كبيرة في السن، أكبر مني 15 أو 17.

وأكمل: بعدها أنا ابتديت أتعاطى ترامادول في 2012 أو 2013، وبشرب حشيش كل فترة، وبشرب بيرة كل يوم وعندي اكتئاب بسبب ظروفي المادية لكن مش باخد له علاج نفسي.