مي سليم تكشف سر طلاقها من وليد فواز في أول يوم جواز

مي سليم تكشف سر طلاقها من وليد فواز في أول يوم جواز... كشفت الفنانة مي سليم، مفاجأة بشأن سبب انفصالها عن الفنان وليد فواز، لافتة:"البيوت اسرار ومفيش راجل بيطلع يتكلم عن أسرار بيته وعيب ميصحش إنه يطلع على انستجرام وحديثه إنه اتسرع في الجوازة".

قرار مي سليم

وتابعت خلال لقائها ببرنامج "العرافة" المذاع على قناة "المحور":"أنا اصريت على الانفصال من وليد فواز وهو استفز من إصراري على كده وهو اتخض من سرعة قراري وده اللى خلاه يطلع يكتب عن الطلاق".

قصة حب مي سليم ووليد فواز

وأضافت مي سليم:"عرفنا بعض خلال شغلنا مع بعض في مسلسل وقصة الحب والارتباط حصلت في 3 شهور بعدها اتجوزنا، وهي تجربة سيئة ومفيش بنت في الدنيا تحب تدخل تجربة علشان تتطلق في 10 أيام".

مشكلة وليد فواز

وأشارت:"الناس تعاطفت معايا لأنه تجاوز الحدود، ومش هنكر ان كلامه ضايقني واتضايقت علشان بنتي ومكنتش متخيلة ان يكون رد فعله بالقسوة الشديدة في اعلانه الانفصال، كل حاجة ممكن تنتهي بهدوء".

سر انفصال مي سليم عن وليد فواز

وأكدت:"المشكلة اللي خلتني اقرر الإنفصال عن وليد فواز حصلت في أول يوم جواز، ومفيش أي حاجة ممكن تنتهي في 10 أيام الا اذا كان سبب قاسي جدا يخليني مينفعش اعيش معاه واحسن حاجة اننا كنا ننفصل عن بعض".

 

وبكت الفنانة مي سليم، بعدما أطلعتها الإعلامية بسمة وهبة عن سر خطيرة بشأن حياتها الخاصة ولا أحد يعلم عنه شيئًا.

سر خطير عن مي سليم

وقالت بسمة وهبة خلال برنامج "العرافة" المذاع على قناة "المحور": "هديلك سر أنتِ عارفاه عن نفسك وما حدش يعرفه احنا عارفينه ومش هنفضحك ونقوله، السر دا لو حبيتِ تجاوبي وعندك الشجاعة وتفصحي عنه هتبقى شاطرة جدًّا، مش حابة خلاص تقولي مش عايزة".

 

بكاء مي سليم

وبكت مي سليم، بعدما تسلمت من بسمة وهبة، كارت السر الخطير عن حياتها الخاصة، رافضة الإفصاح عنه، قائلة: "مش عايزة أجاوب على السر دا".

 

وعد بسمة وهبة لمي سليم

وعقبت بسمة وهبة: "خدي السر معاكِ وروحي خلاص مش هنقوله، والله ما هيطلع وحياة ولادي ما هيطلع خلاص بقى ما تعيطيش عايزة ابتسامتك الحلوة، هيطلع معاكِ ويمشي معاكِ خلاص وعد".