رأي صادم من رضا حامد في كوميديا دنيا سمير غانم وياسمين عبد العزيز

قال الفنان رضا حامد: "دنيا سمير غانم بتعمل كوميديا راقية وكل حاجة بس فيه مشكلة لازم المخرج يخلى باله منها لأنها أحيانا بتجنح في بعض المشاهد الكوميدية".

مشكلة دنيا سمير غانم

وتابع خلال لقائه ببرنامج "كلام الناس" المذاع علي قناة "إم بي سي مصر": “دنيا سمير غانم أثناء التمثيل أحيانا بتروح في حاجات مكنش المفروض تروحلها”.

جنوح ياسمين عبد العزيز

ولفت: "ياسمين عبد العزيز ممثلة كوميديانة جامدة ولكن أحيانا تجنح وبتزود في الكوميديا شوية فتعملش المشهد كويس".

 

وبكى الفنان رضا حامد، على الهواء، أثناء دعائه للزعيم عادل إمام، قائلا: "اشتغلت معاه ٩ سنين وناس نقلت له كلام غلط عني فاستبعدني من مسرحية بودي جارد".

مسرحية بودي جارد
ولفت خلال نفس اللقاء: "حصل خلاف بيني وبين فرقة عادل إمام في مسرحية "بودي جارد" فتم استبعادي من النسخة اللي اتصورت برغم أني اشتغلت معاهم 9 سنين في العرض".

 

الدعاء لعادل إمام
وتابع: "عادل إمام تاريخ كبير جدا وربنا يعفو عنه إذا كان فيه ظروف صحية مش كويسة واشتغلت معاه 9 سنين وفي أحد المواقف على المسرح قاللى ياواد يا رضا انت ممثل جامد أوي".

الاختلاف مع عادل إمام

وأضاف: "مهما حصل من اختلاف مع عادل إمام ولو ناس نقلت له كلام غلط عني منقدرش نجيب سيرته إلا بكل خير واحنا اتعلمنا الكوميديا والتمثيل منه".