فيديو.. شاكوش يقبّل رأس زوجته مع بسمة وهبة بسبب فيلا التجمع الخامس
فيديو.. شاكوش يقبّل رأس زوجته مع بسمة وهبة بسبب فيلا التجمع الخامس.. قبّل مطرب المهرجانات حسن شاكوش زوجته ريم طارق على الهواء خلال استضافتهما في الجزء الثاني من حلقته في برنامج العرافة تقديم الإعلامية بسمة وهبة، وذلك بعد محاولة شيخ الحارة التوقيع بينهما وإخبار زوجته أنه متزوج من سيدة أخرى في فيلا بالتجمع الخامس.
وانفعل حسن شاكوش على الهواء وحاول الانسحاب من الحلقة، بينما حاولت بسمة وهبة تهدئته واستمر شيخ الحارة في استفزازه، مؤكدًا أنه متزوج من سيدة أخرى وهنا انفعلت زوجة حسن شاكوش وصدقت شيخ الحارة.
وأوضح حسن شاكوش، أنه كان سيرتبط بسيدة أخرى ولم يحدث نصيب وذلك قبل أن يتقدم لخطبة زوجته ريم طارق مضيفًا: أكتر حد ممكن أعمل حاجة علشانه هي أمي ووحياة أمي أنا مش متجوز غير ريم ولو في واحدة معاها ورق يثبت إني جوزها تطلعه، وهنا أعلنت زوجة حسن شاكوش أنها صدقته، وقبّل حسن شاكوش رأسها وانتهى سوء التفاهم بينهما، الذي أحدثه شيخ العرافين.
زوجة حسن شاكوش ترد على انتقادات سجودها في حفل زفافها
وفي السياق ذاته ردت زوجة حسن شاكوش على انتقادات سجودها في حفل زفافها من حسن شاكوش: قبل ما أتخطب أنا وحسن وقعت في كذا دروب وبقيت أصلي قيام الليل وأدعي وأقول يا رب انجدني وابعت لي الشخص الصح وفجأة لقيت مامتي بتكلمني وتقول لي حسن جاي يتقدم ليا، وبعد قيام الليل والخطوبة بقيت أسجد كل يوم مرتين شكر لله.
وأضافت ريم طارق: كان صعبان عليا إني ملهية في الفرح ومش بصلي وكنت بقالي أسبوعين قبل الفرح مش مركزة غير إني لازم أثبت للناس إن ربنا بيعوض ومفيش حاجة اسمها تتظلمي وما تاخديش حقك وما همنيش الفستان والميكب يتبهدلوا وما سجدتش قدامه لأني كنت هشيله ذنب.
وتابعت زوجة حسن شاكوش: وما حدش كان يعرف اللي بيني وبين ربنا وكان هدفي أبين للناس إن فيه ربنا وفيه تعويض وبعد ما قمت قلتلهم أنا ارتاحت وخدت نفسي.
وعن السخرية التي تعرضت لها قالت: اللي مع ربنا مش بيشغله حد أنا مش شيخة أنا بآمن بربنا وبحب أقرب منه حتى لو مش دايما برجع له مش بعرف أعيش كده وليا رجعة مع ربنا وأنا مش جاهلة ومخي واقف علشان حسن يقولي اسجدي، أنا عملت كده من نفسي وكده كده الفرح تريند وهو حسن ومش محتاجة أطلع تريند.
