نفسي حد يطبطب عليا.. رسالة تركتها فتاة جامعية قبل انتحارها بالدقهلية

شهد مركز بلقاس بمحافظة الدقهلية حادثا مأساويا، حيث أقدمت فتاة على إنهاء حياتها بتناولها قرصا كيماويا حبة الغلة السامة، وذلك لمرورها بحالة نفسية سيئة.

تفاصيل الرسالة التي تاركتها فتاة جامعية قبل انتحارها بالدقهلية: كان نفسي حد يطبطب عليا

 

وتركت الفتاة رسالة مؤثرة قبل انتحارها وكتبت علي صفحتها علي مواقع التواصل الاجتماعي فيسبوك: أنا حزينة حزينة أوي إني وصلت للمرحلة دي، وأنا بكتب الرسالة دي مش شايفة من كتر الدموع اللي بتنزل من قلبي مش عيني، أنا تعبت تعبت أوي واستحملت كتير أوي بس أنا إنسانه عندي طاقة مش قادرة استحمل كل ده لوحدي، أنا بس كنت محتاجة حد يطبطب عليه وياخدني ف حضنه أنا عمري ما حسيت ب حنيه أم ولا أب ولا أخوات ولا أصحاب، أنا عايشه لوحدي حرفيًا رغم وجود الناس دي حوليا انا لوحدي والوحده وحشه اوي ومُتعبه أوي أنا اتهلكت واتأذيت واتخذلت من اقرب ناس ليا وف الاخريتقالي معلش، محدش يكلف نفسه يفكر فيا ولا يفكر ف إحساسي، أعيش ليه، أعيش لمين، انا ف الوقت ده كنت عاوزه بس اللي يحسسني اني استاهل أتحب وان حد يفضل معايا عشاني عشان بيحبني.

 

وأضافت في رسالتها: أنا حاربت الناس كلها عشان ابقى كويسة وكل محاولاتي فشلت، اتاكدو اني موصلتش لهنا بسهولة كده لا والله انا عافرت عشان موصلش بس للاسف الحزن كان أقوي مني أتمني ربنا يسامحني ويحاسبني ع تعبي وقلة حيلتي مش ع عدم إيماني به، حاجه أخيرًا أنا كنت لوحدي ودلوقتي لوحدي ف أتمني محدش من أهلي يحضر جنازتي لاني ماشيه زعلانه زعلانه منهم كلهم ومش مسامحه ف حق نفسي ابدًا، ادعولي بالرحمه أفتكروني بالخير وأتمني متنسيش زي ماكنت منسيه وقولو للشخص اللي ختم نهاية حياتي انه كان أملي الوحيد وللاسف خذلني، عرفوه إني كنت بحبه عرفووه اني خلاص فارقت الدنيا دي وانا حزينه وزعلانه علي نفسي.

 

وختمت رسالتها: هيعرف بالصدفة أني موت زيه زي ناس كتير اوي كانت فحياتي حفلة تخرجي بعد بكره هي مش حفلة تخرجي من الكلية بس ومن الحياة كلها، ادعولي ربنا يسامحني ومحدش يقولي ماتت كافره لان الكُفر هو اني افضل عايشه مأذيه ومنسيه ووحيده.

 

نص الرسالة نص الرسالة

 

تلقى اللواء مروان حبيب مدير أمن الدقهلية إخطارًا من مدير المباحث الجنائية يفيد بورود بلاغ لمركز شرطة بلقاس منمستشفى بلقاس المركزي بوصول فتاة تدعي " رنا. ج " 22 عامًا، مصابة بحالة إعياء شديدة نتيجة تناولها قرص كيماوي"حبة الغلة السامة".

وعلي الفور انتقل ضباط المباحث الجنائية وتبين مصرع الفتاة وذلك لمرورها بحالة نفسية سيئة وتعاني من إكتئاب بسب معاملةأهلها، وتحرر عن ذلك المحضر للازم وجاري العرض علي النيابة العامة.

 

ويحذر القاهرة 24 من الانتحار، مطالبا من تراودهم مثل هذه الأفكار التوجه إلى طبيب نفسي في محاولة لحل مشكلاتهم، وماقد يتعرضون له والتفكير بإيجابية حول استمرارية الحياة التي منحها الله للإنسان، حيث يأمل القاهرة 24 الذهاب إلى الطبيبالمختص، وعرض أنفسهم على المعنيين لحل المشكلة.

 

وتعمل الدولة على تقديم الدعم للمرضى النفسيين؛ من خلال أكثر من جهة خط ساخن، لمساعدة من لديهم مشاكل نفسية، أورغبة في الانتحار، أبرزها الخط الساخن للأمانة العامة للصحة النفسية، بوزارة الصحة والسكان، لتلقي الاستفساراتالنفسية والدعم النفسي، ومساندة الراغبين في الانتحار، من خلال رقم 08008880700، 0220816831، طول اليوم.