فيديو.. رانيا يوسف ردًا على الجوكر: «أي حد عايز يتشهر يحط اسمي في جملة مفيدة»
عبرت الفنانة رانيا يوسف عن استيائها من وضع اسمها في أغنية مغني الراب الجوكر "التالتة ممكن"
قالت رانيا خلال مداخلة هاتفية لها مع برنامج "كلام الناس" المذاع على قناة MBC مصر "أنا بصور ومش فاضية للحاجات دي خالص ولا اعرف حاجة عنها"
وتابعت "أي حد عايز يتشهر، أي مجهول ملوش أي كينونة بيحط اسمي في أي حاجة علشان يتشهر والواحد مش هيسيب حياته ويدور على ناس مجهولة عايزة تتشهر".
وعن رد فعلها قالت "زمان مكنتش فاهمة يعني ايه تريند بعدين اكتشفت أن أي حد عايز يعمل حوار ويتقري يحشر اسم رانيا وأي حد عايز يعمل مصيبة يحط اسم رانيا علشان يطلع تريند فخلاص مبقاش يفرق معايا"
يذكر أن رانيا يوسف تنتظر عرض مسلسلها "المماليك" مع نخبة من النجوم من بينهم طارق لطفي، عمرو حسن يوسف وغيرهم.
