مرتضى منصور يحرض كهربا ضد الأهلي بسبب إمام عاشور

مرتضى منصور يحرض كهربا ضد الأهلي بسبب إمام عاشور .. تحدث مرتضى منصور رئيس نادي الزمالك المعزول، خلال المؤتمر الصحفي المنعقد بمقر النادي، عن أزمة القلعة البيضاء مع لاعب الأهلي محمود عبدالمنعم كهربا.

تصريحات مرتضى منصور

وقال مرتضى منصور خلال المؤتمر الصحفي بمقر النادي: بقول لكهربا فوق أنت وأبوك احنا اللي عملناك بني آدم أما جيت من إنبي وبقا عندك عربيات وفيلل.

وواصل: محمود الخطيب أخويا وأنا بحبه جدًا، وبقوله ليه مخبطتش عليا قولتلي عاوز كهربا.

وأضاف: لو محمود الخطيب اشترى مني كهربا كان هيدفع 25 مليونا، ودلوقتي لبستهوله بـ 180 مليون يبقى مين ضحك على مين.

وأكمل: كهربا خان وباع، وإمام عاشور شتم صالح سليم، وبقول لكهربا الخطيب دفع في إمام عاشور 4.5 مليون دولار واستخسر فيك 2.5 مليون دولار ولسه مش عاوز تتعلم.
وكشف قائلا: دفعت في إمام عاشور 10 مليون بالتقسيط، وبعته بـ 3 مليون دولار، ودفعت في إمام عاشور 180 مليون جنيه يا خطيب، لو طلبته مني كنت خدته بـ 20 مليون.

وأتم مرتضى: عقد إمام عاشور مع حسين لبيب لم يوثق منه نسختين، وكسبت فيه 90 مليون جنيه، هل في نادي مصري يشتري لاعب مصري من نادي مصري آخر بـ120 مليون جنيه؟.