فيديو.. تامر حبيب يكشف أسبا وتفاصيل محاولته الانتحار
أكد السيناريست تامر حبيب: لا صحة لما تردد وأثير عن محاولتي الانتحار العام الماضي والسبب الذي يدفعني للانتحار.
شائعات عن زواج تامر حبيب من منة شلبي
وأضاف خلال لقائه ببرنامج "حبر سري" الذي تقدمه الإعلامية اسما ابراهيم بقناة "القاهرة والناس":"جوزوني لمنة شلبي وقالوا إنها سبتني واتخطبت لشخص تاني وبعد كده قالوا إني مريت بحالة نفسي وحاولت الانتحار وفشلت وكل ده غير صحيح وشائعات".
محاولة تامر حبيب في الإنتحار
وأكد تامر حبيب:"حاولت انتحر مرة واحدة فقط قبل 2017 لإني كنت باخد دواء ريجيم وكان عاملي اكتئاب شديد وكنت محبط جدا لإني كنت بشتغل محاسب وقتها وبعمل حاجة مبحبهاش لإني عايز اشتغل في السينما وكنت متوتر جدا والدواء كان بيسرع ضربات القلب وبيجيب اكتئاب شديد وفي لحظة فكرت في الإنتحار وبعدها غيرت حياتي".
في نفس اللقاء، كشف السيناريست تامر حبيب، تفاصيل أول لقاء جمعه بالفنانة منة شلبي بعد أزمتها الأخيرة واتهامها بتعاطي المواد المخدرة.
أسود يوم في حياة تامر حبيب
وقال تامر حبيب خلال لقائه ببرنامج "حبر سري" الذي تقدمه الإعلامية أسما ابراهيم بقناة "القاهرة والناس": "اليوم اللي اتقبض فيه علي منة شلبي بتهمة تعاطي المخدرات كان من أسود أيام حياتي وكنت هاموت لأني مكنتش عارف أوصلها".
أول لقاء بين تامر حبيب ومنة شلبي بعد إخلاء سبيلها
وأضاف: "لما تم اخلاء سبيل منة شلبي روحت لها علي البيت ويومها عرفت قد ايه حبي ليها واخدتها في حضني جدا وكان كل همي انها تضحك وتتبسط واعملها أراجوز علشان تنسى الأزمة الكبيرة اللى هي مرت بيها".
الحالة النفسية لمنة شلبي بعد أزمتها الأخيرة
ولفت: "الحالة النفسية لمنة شلبي احسن بكتير دلوقتي وهي نزلت اشتغلت، والضغط مش من الموقف ولكن القسوة الشديدة من البشر وكإنهم كانوا نازلين معاها من الطيارة، فيه ناس مهمتهم انها طول الوقت تهاجم وتشمت في الفنان أو اي حد مشهور".
