فيديو.. رانيا يوسف: اتجوزت 3 مرات وعندي استعداد اتجوز في نص ساعة
قالت الفنانة رانيا يوسف: "جالي 4 عروض زواج بس رفضت لأن أنا بالنسبة ليه الزواج سهل وعندي استعداد اتجوز في نص ساعة معنديش مشكلة بس المشكلة في مين اللى هتجوزه".
مشكلة رانيا يوسف مع الزواج
وتابعت خلال لقائها ببرنامج "حبر سري" الذي تقدمه الإعلامية أسما إبراهيم بقناة "القاهرة والناس": "لسه ملقتش الزوج اللى يملى دماغي وابقى متأكدة أنه معندوش أي مصالح تانية غير أنه حقيقي بيحب رانيا".
زيجات رانيا يوسف الفاشلة
ولفتت: "اتجوزت 3 مرات بـ3 غلطات ومش عايزين نكرر الغلطة الرابعة، عايزة ابقى متأكدة ان اللى هتجوزه حقيقي يحبني ويحترمني ويحترم حياتي وظروفي".
موقف رانيا يوسف من الزواج
وأشارت: "لحد دلوقتي معنديش قابلية للزواج خالص، ومحدش يقدر عقدني انا اعقد بلد، والفكرة مش في الجواز الفكرة في الشخص اللى هتجوزه، ويا هنسعد بعض يا هنقرف بعض وانا مش عايزه حد يقرفني".
أحلام رانيا يوسف
وتابعت: "أنا حققت كل أحلامي بنفسي وعايزة حد متفاهم يفهم حياتي ويحترم شغلي وخصوصياتي ويحترم اصحابي ووقتي".
طليق رانيا يوسف المنتج محمد مختار
وأشارت رانيا يوسف: "مفيش واحد اتجوزته كان له فضل عليا بالعكس خالص، وابو بناتي محمد مختار مكنش له فضل عليا غير انه ابو بناتي طبعا وده اكبر انجاز ولكنه مساعدنيش بمكالمة تليفون، وانا الممثلة الوحيدة اللي اتجوزت منتج انتج لطليقته بعد ما اتجوزوا مأنتجليش انا".
فستان رانيا يوسف
وقالت رانيا من خلال برومو حلقتها في برنامج حبر سري المقرر عرضها 1 رمضان:" أنا مش ندمانة أوي علي فستان البطانة لأني كنت شايفه أنه عادي.
وأكدت الإعلامية أسما إبراهيم في وقت سابق عن وجودها في موسم رمضان المقبل 2023 بموسم جديد ببرنامجها “حبر سري”.
وقالت الإعلامية أسما إبراهيم في تصريح سابق لـ"فيتو"، إنها تستعد لتصوير الموسم الجديد من برنامجها الشهير حبر سري لعرضه في رمضان ٢٠٢٣.
وأضافت: سيتم إعادة بعض الحلقات من البرنامج خلال هذه الفترة لكي نبدأ في تصوير الحلقات الجديدة استعدادا لعرضها في رمضان ٢٠٢٣.
وكانت الإعلامية أسما إبراهيم مقدمة برنامج حبر سري أعلنت العام الماضي خطبتها من المطرب موسى، في حفل مقتصر على الأسرة وعدد من الأصدقاء المقربين. كما قدمت قناة القاهرة والناس التهنئة لهما من خلال الصفحة الرسمية للقناة عبر موقع “فيس بوك”.
وكشفت وقتها تفاصيل خطوبتها من المطرب موسى، وقالت في تصريح سابق لفيتو:"أنا سعيدة لسعادة كل من أعرفه أو لا أعرفه بخبر الخطوبة على الرغم أنها حياة شخصية، وأنا بطبعي بفضل أفصل حياتي الشخصية عن العملية، ولكن سعيدة بحب الناس تهنئتكم لي ولموسى بالخطوبة.
وقالت أسما إبراهيم:"أما عن الزواج فلم نحدد حتى الآن فكل شيء متوقف حاليا لانشغالي بتصوير الموسم الثالث من حبر سري، وأيضا موسى لديه أعمال وحفلات في مصر وعدة دول، فبعد كل ذلك سوف نحدد موعد الزواج ولكن في القريب العاجل بالتأكيد".
