فيديو.. رانيا يوسف: البطانة غلطة ومش ندمانة عليها

قالت الفنانة رانيا يوسف:"فستان البطانة غلطة ومش ندمانة عليها أوي لأن أنا كنت شايفه أنها عادية بس الناس مكنوش شايفينها عادي".

 

استغلال رانيا يوسف من ازواجها

وتابعت خلال لقائها ببرنامج "حبر سري" الذي تقدمه الإعلامية اسما ابراهيم بقناة "القاهرة والناس":"سمحت لأزواجي يستغلوني ودي غلطة وندمانة عليها، واكتر واحد استغلني الجوازة التانية طبعا، استغلني ماديا بشكل مش لطيف ودفعت الثمن غالي وخسرت كل فلوسي ودخلت في مشاكل وكنت عاملة فيها الشهمة اللطيفة اللى هتقف مع جوزها وتساعده يعمل مشروع فطبعا لبست في الحيط ومكنش فيه مشروع وكانت نصباية كبيرة أوي وكان بيحور، وبحاول أنسى الموضوع اللى حصل في 2011، وهو أذاني في بناتي".

مشكلة رانيا يوسف مع طليقها محمد مختار

ولفتت رانيا يوسف:"جوازي من راجل أصغر مني بـ4 سنين غلطة وندمانة عليها بس أنا ممكن اتجوز واحد اصغر مني بـ20 سنة لو كان كويس، واتجوزت ابو بناتي وهو اكبر مني بـ30 سنة وكنت بحبه جدا وخلعته وفضلت احبه بعد الخلع بشوية ومعرفتش اخرج من محمد مختار وكنت بحبه جدا لإنه رجل محترم جدا، ومتجوزتهوش علشان الفلوس لإنه مكنش حيلته فلوس، انا اتجوزته وهو منتج وفترة زواجنا 12 سنة وبعدها راح انتج لطليقته، وانا لا فلوس تفرق معايا ولا شهرة".
 

 

وفي نفس اللقاء، قالت الفنانة رانيا يوسف: "جالي 4 عروض زواج بس رفضت لأن أنا بالنسبة ليه الزواج سهل وعندي استعداد اتجوز في نص ساعة معنديش مشكلة بس المشكلة في مين اللى هتجوزه".

مشكلة رانيا يوسف مع الزواج

وتابعت: "لسه ملقتش الزوج اللى يملى دماغي وابقى متأكدة أنه معندوش أي مصالح تانية غير أنه حقيقي بيحب رانيا".

زيجات رانيا يوسف الفاشلة

ولفتت: "اتجوزت 3 مرات بـ3 غلطات ومش عايزين نكرر الغلطة الرابعة، عايزة ابقى متأكدة ان اللى هتجوزه حقيقي يحبني ويحترمني ويحترم حياتي وظروفي".

موقف رانيا يوسف من الزواج

وأشارت: "لحد دلوقتي معنديش قابلية للزواج خالص، ومحدش يقدر عقدني انا اعقد بلد، والفكرة مش في الجواز الفكرة في الشخص اللى هتجوزه، ويا هنسعد بعض يا هنقرف بعض وانا مش عايزه حد يقرفني".

أحلام رانيا يوسف

وتابعت: "أنا حققت كل أحلامي بنفسي وعايزة حد متفاهم يفهم حياتي ويحترم شغلي وخصوصياتي ويحترم اصحابي ووقتي".

طليق رانيا يوسف المنتج محمد مختار

وأشارت رانيا يوسف: "مفيش واحد اتجوزته كان له فضل عليا بالعكس خالص، وابو بناتي محمد مختار مكنش له فضل عليا غير انه ابو بناتي طبعا وده اكبر انجاز ولكنه مساعدنيش بمكالمة تليفون، وانا الممثلة الوحيدة اللي اتجوزت منتج انتج لطليقته بعد ما اتجوزوا مأنتجليش انا".