حسن شاكوش: همنع مراتي من دخول الفن لأني راجل صعيدي
قال مطرب المهرجانات الشعبية حسن شاكوش، إن زوجته ليس لها أي علاقة بالوسط الفني، مُشيرًا إلى أنه سيمنعها من دخول الوسط لأنه رجل صعيدي على حد قوله.
وقال حسن شاكوش في لقائه مع القاهرة 24: النهاردة آخر يوم في العزوبية، وريم بنت الجيران أصلًا، وهي مالهاش دعوة بالتيك توك ولا ممثلة ولا مغنية ولا ليها علاقة بالفن خالص، وأنا همنع إنها تدخل الفن، وهمنعها من حاجات كتير وحشة هتقابلنا، لأن أنا راجل صعيدي ودخلت في مجال الفن وكل أصحابي الفنانين على المستوى الشخصي كل واحد بينقي شريكة حياته وأنا اخترتها ست بيت.
عروس حسن شاكوش تكشف سبب سجودها
ومن جهة أخرى، كشفت ريم عروس حسن شاكوش، في تصريحات خاصة لـ القاهرة 24، سبب سجودها مع بدء حفل الزفاف قائلة: لأني دي دعوة ربنا وأنا كنت واخدة عهد على نفسي إن لازم أسجد وأشكر ربنا إنه عوضني، وحسن أحسن واحد في الدنيا في عيوني.
وأردفت قائلة: أنا وحسن عارفين بعض من زمان من وإحنا أطفال، وبالنسبة له هو اللي مربيني ومتوقعتش يبصلي لأني بالنسباله بيبي.
حفل زفاف حسن شاكوش
ومن المقرر أن يُحيي حفل زفاف حسن شاكوش كل من: الفنان تامر حسني، عمر كمال، حمو بيكا، رامي صبري، رضا البحراوي، من خلال تقديمهم باقة من ألمع أغانيهم، حسب مصادر لـ القاهرة 24.
