ربنا عوضني.. عروس حسن شاكوش تكشف سبب سجودها

عبرت ريم عروس مطرب المهرجانات حسن شاكوش عن سعادتها الشديدة بحفل زفافها على مطرب المهرجانات حسن شاكوش المقام حاليًا بأحد الفنادق بالقاهرة الكبرى وسط حضور بعض نجوم الفن.

وقالت ريم عروس حسن شاكوش: عارفين بعض من زمان من وإحنا أطفال وبالنسبة له هو اللي مربيني ومتوقعتش يبصلي لأني بالنسباله بيبي.

عروس حسن شاكوش تكشف سبب سجودها

وكشفت عروس حسن شاكوش سبب سجودها مع بدء حفل الزفاف قائلة: لأني دي دعوة ربنا وأنا كنت واخدة عهد على نفسي إن لازم أسجد واشكر ربنا أنه عوضني، وحسن أحسن واحد في الدنيا في عيوني.

واثقة فيه ومش بغير عليه

وأكدت ريم عروس حسن شاكوش أنها واثقة فيه ولا تغير عليه قائلة: واثقة فيه ومش بغير عليه وأتمنى نجيب أطفال ونعيش اللي ماعشناهوش بعيدًا عن السوشيال ميديا، وكنت واخدة عهد على نفسي إن لازم أسجد وأشكر ربنا أنه عوضني لأن حسن أحسن واحد في الدنيا في عيوني وكل حاجة جذبتني له ومعجباته على رأسي.

ولفتت ريم عروس حسن شاكوش أنظار الحضور في حفل زفافها، إذ فاجأتهم بسجودها على الأرض؛ تعبيرًا عن سعادتها بزفافها على مطرب المهرجانات، وافترشت الأرض بفستان زفافها، في مشهد أثار إعجاب الحضور الذين التقطوا الصور لها.

واختارت العروس فستان زفاف بصيحة الأوف شولدر، ومنفوش من الأسفل، بينما ارتدى حسن شاكوش بدلة بيضاء اللون.