بعد إثارته للجدل.. مخرج أغنية هاني شاكر يكشف سر اللوك الجديد على البوستر

كشف المخرج نضال هاني المظهر الجديد الذي أطل به الفنان هاني شاكر على بوستر أحدث أعماله مؤخرا، والذي طرحه على صفحاته بمواقع التواصل الاجتماعي منذ ساعات.

مخرج أغنية هاني شاكر يكشف كواليس اللوك الجديد

وقال المخرج نضال هاني مخرج أغنية هاني شاكر الجديدة في تصريحات خاصة لـ القاهرة 24: احنا عملنا بوستر أغنية لو سمحتوا مع بعض قبل كده، ونجحت نجاح كبير، وعملت شغل الناس حبته، فعملت رسمة للوك في الأول قبل تصميمه عجبت الأستاذ هاني جدا، وبدأنا نصمم اللوك لحد ما ظهر بيه النهارده كده.

وأضاف المخرج نضال هاني: والفنان هاني شاكر معارضش اللوك رغم إنه غريب عليه شوية علشان هو واثق فينا وفي شغلنا بعد النجاح اللي حققناه مع بعض قبل كده، وغرابة اللوك لازمة، وإلا مش هنعمل حاجة جديدة أو مختلفة سواء في شغلي أنا كمخرج أو في شغل الأستاذ هاني شاكر.

 

أغنية هاني شاكر لو سمحتوا

يشار إلى أنه من آخر أعمال الفنان هاني شاكر والتي تعاون فيها مع المخرج نضال هاني أغنية لو سمحتوا، والتي حققت نجاحا كبيرا عقب طرحها على موقع يوتيوب، والأغنية من كلمات تامر حسين وألحان عزيز الشافعي وتقول كلماتها:

لو سمحتوا لو سمحتوا

يمشي يتمختر براحته

إوعوا حد يقل راحته

في الرايحة والجاية

لو صادفكوا أو قابلكوا

غموا عنكوا القمر دا

مش فاضيلكوا القمر دا

انشغل بيا.