أيهما أفضل الاستثمار في الذهب أم العقار.. نجيب ساويرس يجيب

قال رجل الأعمال المهندس نجيب ساويرس: "اللي عنده محفظة استثمارية يضعها في الذهب والعقار، يعني يبقى نص عاقل ونص مجنون، وميحطش فلوسه كلها على حاجة واحدة حماية من المخاطر".

جدوى سوق العقار

وأضاف خلال مداخلة هاتفية ببرنامج "حضرة المواطن" الذي يقدمه الكاتب الصحفي سيد علي بقناة "الحدث اليوم": "قبل لما ندخل سوق العقار عملنا دراسات جدوى ولقينا ان الطلب في مصر 10 أضعاف العرض".

تجارب الاستثمار في العقار

ولفت: "التجارب بتثبت إن لما نشتري عقار بنبيعه في الآخر بنكسب لأن كل حاجة بتغلى وبالتالي العقار اللى اتعمل بمليون ممكن يتباع بـ3 و4 مليون".

تسهيل إجراءات التمويل والرهن العقاري

وأشار: "يجب الإسراع في تسهيل التمويل أو الرهن العقاري علشان الموظف البسيط اللى مرتبه صغير يقدر ياخد شقة بالتقسيط والمالك يقدر يبيع لأكبر عدد من الناس، ولو طورنا نظام الرهن العقاري هيعمل ثورة في مصر، ان الواحد يشتري شقة يدفع بس مقدم ويقسط باقي المبلغ على 20 سنة أو 30 سنة ويقتطع جزء من مرتبه".