هاشتاج أنقذوا حياة سيلين يتصدر تويتر.. حالتها بدأت تسوء جدا ساعدوها

تصدر هاشتاج انقذوا حياة سيلين موقع التدوينات القصيرة "تويتر" للمطالبة بالتبرع للطفلة من مرض ضمور العضلات الذي أصيبت به، وسط تفاعل كبير من المشاهير والمتابعين، وسيلين طفلة مصابة بمرض ضمور العضلات الشوكي وتحتاج لأغلى حقنة فى العالم وثمنها أربعين مليون جنيه.

وقال الفنان محمد هنيدي في تغريدة له: "العسل دي اسمها سيلين مصابة بمرض صعب جدًّا.. وحالتها بدأت تسوء جدًّا.. الأيام الجاية ممكن تنقذ حياة سيلين.. لو مش هتعرف تتبرع شارك في الهاشتاج واعمل ريتويت واكتب عن سيلين في حسابك.. ده أبسط شيء ممكن تقدمه عشان غيرك ممكن يقدر يتبرع، حاجة بسيطة جدًّا ممكن تنقذ حياة".

وأضاف آخر: "بعد فضل ربنا كل المصريين جمعوا وانقذوا حياة الطفلة رقية وحياة التوأم علياء وفريدة ودلوقتي دورنا برضه أننا نساعد سيلين أنها تخف وتقوم بالسلامة.

وكتب آخر: "الهاشتاج بيتصدر تويتر في ١٠ دقايق.. ولسه هتكمل بإنقاذ حياة سيلين وهتحس قد إيه كان لك دور.. جربت ابنك أو بنتك يصرخوا من الألم جنبك وانت مش قادر تعمل حاجة.. أصعب شعور عجز في الدنيا وربنا ما يكتبه علينا بس نقدر نساعد في أن الشعور ده ينتهي عند أب وأم بإنقاذ بنتهم".

واختتم آخر: "زي ما قدرنا نساعد رقية نقدر كمان نساعد سيلين ياريت اللي يقدر يساعد ميتاخرش في مساعدة إنقاذ حياة الطفلة سيلين.. وربنا يجعله في ميزان حسناتكم".