جيهان قمري: ”اتبسطت جدا لما عادل إمام قاللي هقطعك بوس في عمارة يعقوبيان”… فيديو

كشفت الفنانة جيهان قمري مفاجأةً عن دورها مع الزعيم عادل إمام، خلال فيلم "عمارة يعقوبيان".

كواليس العمل مع عادل إمام

وقالت "قمري" خلال لقائها ببرنامج "نص الكلام" الذي تقدمه الإعلامية راغدة شلهوب بقناة "النهار": "قبل تصوير الفيلم اتعزمنا في شهر رمضان عند الزعيم عادل إمام، وقتها أزال التوتر اللي عندي لأني كنت خايفة من مشاهدي معه".

طقوس عادل إمام في التصوير

وتابعت: "خوفوني كتير من الزعيم عادل إمام، وبعدين لقيت اللوكيشن كله هزار وضحك وكأننا قاعدين في بيتنا مش في التصوير".

ولفتت: "أنا لغاية دلوقتي معرفش عملت الدور بتاعي في فيلم عمارة يعقوبيان إزاي.. كنت سايبة نفسي خالص مع الزعيم وكنت بتحرك مع عادل إمام بعنيه".

قبلات عادل إمام

وأردف: "الزعيم عادل إمام قاللي هقطعك بوس، ومتصدمش لما قاللي كده لكن كنت حاسة إني بحلم لكن هو كان بيهرج في الموضوع، وكانت الحكاية بسيطة جدا، والتجربة كانت رائعة".

وتابعت: "لم أعتبر قبلاتي مع الزعيم عادل إمام أنها نوع من التنازل علشان أظهر معه، والناس كلها لما قالتلي إنتي اتبستي، وعلى فكرة هو باسني من خدي ومفيش مشاهد أوفر في الفيلم، وبعدين أنا قريت السيناريو مكنش فيه حاجة أوفر، وعادل إمام هو اللى اختارني".

واختتمت: "تجربتي مع عادل إمام مميزة، ونقلتني لحتة تانية في التمثيل".