أسما شريف منير: انتصرت على الشيطان وبقالي 12 يوم مبروحش سهرات

وجهت الإعلامية وخبيرة التجميل أسما شريف منير رسالة إلى متابعيها بعد انتظامها في الصلاة خلال الفترة الأخيرة وخوفها الدائم من الموت، مشيرة إلى أنها ابتعدت تدريجيًا عن السهرات الليلية برفقة أصدقائها.

وكتبت أسما شريف منير منشورًا عبر حسابها الشخصي بموقع إنستجرام، جاء فيه: كل يوم أربعاء كنت بسهر مع صحابي، وكل مرة حتى لو بنبسط يوميها تاني يوم بيكون يوم وحش أوي، وكل مرة أقول مش هروح وبضعف وبروح، بقالي 12 يوم مرحتش، وده بدأ بأني حاسة إني عمري ما هعرف أرقص وأهيص في الوقت الصعب ده وبعدين بقى إحساس ليه علاقة بيا أنا واختياراتي.

أسما شريف منير عبر انستجرام

أسما شريف منير: أنا مش ضد السهر

وتابعت أسماء شريف منير: ذهبت اليوم إلى مسجد صالح الجعفري وصليت، وبعد ذلك ذهبت إلى مرقد الإمام الحسين وصليت صلاة العشاء، وكان شعور بالهدوء والسكينة الشديدين، وكان قلبي مطمئنًا وسعيدًا، وعندما عدت إلى المنزل، عدت من جهة المكان الذي كنت أسهر فيه وجلست أسبح لفترة، وشعرت كما لو أنني طلعت الأولى على المدرسة، أشعر بالقوة والانتصار على الشيطان وعلى نفسي.

وأضافت أسما شريف منير: ده مش عشان أنا ضد السهر، خالص بس أنا ضد أنها تبقى دي محور حياتي، ويوم ثابت كده التوازن مهم في كل حاجة، وأنا مبسوطة أني كل شوية بفوق وبصلح وحدة وحدة، أنا بقول الكلام ده عشان عارفة إن في ناس زيي محتاجين يعرفوا إنهم مش لوحدهم، وأن هيجي عليك وقت تحس إنك محتاج تفوق وساعتها حقيقي هتكون سعيد بجد مش من برا بس ولا في السهرة بس، السعادة هتملي قلبك كله، ربنا يهدينا كلنا يا رب.