فيديو| السيسي يعلنها: مُصرون على إيجاد حلول نهائية للأزمة الاقتصادية
قال الرئيس عبدالفتاح السيسي، إن الدولة مصرة على إيجاد حلول نهائية لتغطية مستلزمات ومنتجات الحياة اليومية.
وأضاف 'السيسي'، في كلمة خلال تفقده الأكاديمية العسكرية المصرية، فجر اليوم السبت، المذاعة عبر فضائية 'اكسترا نيوز'، اليوم السبت، أنه الدولة لديها خطة طموحة لمواجهة الأزمة الاقتصادية، متابعًا: 'ربنا موجود ومطلع علينا وشايف أنه رغم الظروف الصعبة حريصين على أننا نعمل بجد واجتهاد في كل القطاعات والمجالات'.
وأكد، قائلًا: 'احنا حريصين ومُصرين بفضل الله على إنهاء الأزمة الاقتصادية ونجد لها حلول نهائية، ودا هيحصل من خلال وضع خطة طموحة، منها تطوير الاقتصاد والصناعة ومستلزمات الإنتاج وتقليل فاتورة الاستيراد ويبقى عندنا بدائل وانتاج في مصر يغطي مطالب هذه المستلزمات والمنتجات اللي محتاجينه في حياتنا اليومية'.
وأكمل: 'لو فاتورتنا في الاستيراد من الخارج سواء من سلع او منتجات بترولية أو ادوية اللي هي الاحتياجات الضرورية تحتاج الى توفير عملة صعبة واللي منقدرش أبدا مهما عملنا منقدرش نقول مش أساسية، احنا بنتكلم في رقم كبير طول ما الرقم الكبير مش قادرين نوفره بالعمل والتصدير وبالتوفير بدائل جوا مصر احنا هنبقى بنعاني.. بمنتهى الصراحة'.
