بعد تصريحات طليقته.. شاكوش يعلق على ارتباطه بـ حورية فرغلي (فيديو)

بعد تصريحات طليقته.. شاكوش يعلق على ارتباطه بالنجمة حورية فرغلي.. خرج مطرب المهرجانات حسن شاكوش عن صمته، ليعلق على ما تردد عن وجود علاقة مع الفنانة حورية فرغلي، بعد تصريحات طليقته ريم طارق، مع الإعلامية بسمة وهبة.

وكتب حسن شاكوش على صفحته الرسمية بموقع التواصل الاجتماعي فيسبوك: 'جمهوري الغالي كل معاني الشكر ليكم، ولكل شخص متفهم الموقف وشاركني البوست، أنا شوفت معظم التعليقات وباحترم كل شخص وكل كلمة حتى لو عكسية، الحقيقة دائما عند ربنا، وسكوتي وعدم ردي شيء مريحني أكتر من الكلام، ولكن في شيء يخص فنانة جميلة كلنا بنحبها وبنحترمها'.

وأضاف: 'وحقيقي لا أعلم صحة الكلام اللي بيتقال، لكن أنا من خلال صفحاتي الرسمية بحب أقول إن الفنانة حورية فرغلي لا يمسني بيها أي شيء، غير أنها زميلة وصديقة عمل، ومش فاهم سبب وجود سيرتها في الموضوع إيه، من خلال البرامج أنا دلوقتي كلامي للإعلام أرجوكم بلاش تشاركوا الناس كلام غلط، كفاية كلام في تفاصيل وحياة شخصية، اللي ظاهر للناس يخص الناس أنا دلوقتي بامتنع عن أي كلام في حاجة تخص حياتي الشخصية'.

وتابع: 'أرجو احترام رغبتي مع احترامي لكل الصحافة المصرية ولكن الأخبار غير الحقيقية دي بتضعف موقفكم في يوم من الأيام لما الحقيقة تبان، كل الاحترام والتقدير ليكي يا فنانة يا كبيرة وباعتذرلك مرة أخرى'.

 

حسن شاكوش

 

كشف حسن شاكوش مؤدي المهرجانات تفاصيل جديدة في أزمته مع طليقته ريم طارق، وذلك عبر مقطع فيديو بحسابه الشخصي على موقع التواصل الإجتماعي فيس بوك.

وقال حسن شاكوش في الفيديو:'طول الفترة اللي فاتت وأنا في ضغط عصبي ومطلعتش اتكلمت، وطالع عشان أوضح المعلومة أن أنا خلاص ليا حق الرد، والست المصرية عندها شرف وكرامة ولأزم نحترمها لغاية آخر لحظة وزي ما بنحترمهم هما برضه لأزم يحترمونا، لأن الراجل عنده شرف وكرامة وأنا طلعت اتكلمت يا جماعة عشان خلاص كفاية كده، ولازم تسمعوا لم تسمعوا حد تسمعوا من الطرفين'.

وتابع شاكوش قائلا:'منعت برامج مصر كلها اللي كانت عايزاني اطلع اتكلم ومرضتش اتكلم في عرضي وإنسانة كانت في يوم من الأيام مراتي، مستحيل دي لا تربيتي ولا بيئتي ولا أسلوبي، والكلام في شرف الراجل زي الست، الراجل المصري عنده كرامة وشرف فيستحيل الكلام اللي الواحد سمعه ميرضيش ربنا'.

وكانت ريم طارق طليقة مؤدي المهرجانات حسن شاكوش السابقة، كشفت مؤخرا في برنامج 90 دقيقة، تفاصيل انفصالها عن شاكوش، مشيرة إلى أن الطلاق تم بالفعل من مؤدي المهرجانات حسن شاكوش.

تابعت باكية: 'اتحملت اللي محدش يتحمله من رابع يوم زواج، وبشوف قصص وحاجات وحشة، وشوفت أبشع حاجة ممكن حد يشوفها بعيدًا عن الخيانة'.

وأكدت زوجة مؤدي المهرجانات حسن شاكوش السابقة، أن الموضوع أكبر من الخيانة والموضوع بقى أخلاقينا ودينيا، رأيت أشياء بشعة من حسن شاكوش لا يمكن أن يتخيلها أحد'.

وتحدثت ريم طارق، طليقة مغني المهرجانات الشعبية حسن شاكوش، عن أسباب طلاقها، قائلة: 'كنا في نهار رمضان، وكان في ممثلة مشهورة عندها مشكلة صحية راح أكل معها في شاليه بالعين السخنة، ولما رجع البيت كتبت له وصلت يا حبيبي، وكان بينهم علاقة'.

وأضافت: 'فضلت 30 يوم في رمضان أشوف حاجات زي كده، والفنانة دي حبت تسمعني صوتها، فكانوا مع بعض وقعدت تضحك، والحرف الثالث من اسمها هو الراء'، وردت عليها بسمة وهبة قائلة: 'مترجعيش لحسن'.

وتابعت: 'وفي رمضان بردة كان يبث لايفات وقال لي سأحصل على هدايا عبارة عن مبالغ مالية، وفال لي يحرم عليّ كل جنيه بيدخل من تيك توك، هاخده وهتبرع به لجمعيات خيرية للأطفال، فرحت عشان قال كدا، ولما اللايفات خلصت الموضوع اتنسى وأخذ الفلوس، وأطلب منكِ مواجهة حسن شاكوش بهذا الفعل'.