ياسمينا العلواني: الناس مش مصدقة إني كبرت واتجوزت
ياسمينا العلواني: الناس مش مصدقة إني كبرت واتجوزت.. احتفلت الفنانة ياسمينا العلواني نجمة برنامج Arabs' Got Talent، بزفافها على شاب من خارج الوسط الفني، في منطقة 6 أكتوبر.
وقالت ياسمينا العلواني في لقائها مع برنامج ET بالعربي: كنا أصحاب وبعدين تفاجئنا إننا حبينا بعض واتجوزنا، وهو سايبلي الاختيار أكمل في الوسط ولا لأ، وقالي إن ده قراري.
وتابعت ياسمينا العلواني: الناس مش مصدقين إني كبرت واتجوزت لأنهم شافوني أول مرة وأنا صغيرة، وبيفضلوا معلقين وشايفين إني صغيرة، وشوية وهيتعودوا إني كبرت وده طبيعي.
زواج ياسمينا العلوانيزواج ياسمينا العلوانيزواج ياسمينا العلواني
وكشف زوج ياسمينا العلواني، عن سبب انجذابه لـ ياسمينا واختياراها شريكة حياته: بغض النظر عن إنها زي القمر، ولكن أهم حاجة الصوت، أنا بحب الصوت الحلو.
ياسمينا العلواني تكشف حقيقة ارتدها الحجاب
ومن ناحية أخرى، كشفت بعدها ياسمينا العلواني عن حقيقة ارتداءها الحجاب، وكتبت تغريدة عبر حسابها الرسمي على موقع تويتر: لكل واحد فرح لي من قلبه وأتمنى لي الحجاب، حابة أوضح إن الآوان لسة مجاش، ولما ربنا يريد أكيد هيحصل، الصورة اللي نشرتها التويتة اللي فاتت مش أول مرة أنشرها، بـ العكس نشرتها قبل كده كتير لأني بـ تفاءل بيها.. والتعليق المرفق بوضح من خلاله إني بخف من كورونا واتحسنت الحمد لله.
أضافت ياسمينا العلواني: شكرًا لاهتمامكم ولدعواتكم ويارب تكون من نصيبي في من الأيام، وادعوا لي بتمام الشفاء، وخلوا بالكم من نفسكم لأن كورونا فعلًا مش سهل، ربنا يحفظنا ويحفظك جميعًا.
