كهربا: مليش ذنب في حاجة.. واللي معاه ربنا يمشي على المية

كهربا: مليش ذنب في حاجة.. واللي معاه ربنا يمشي على المية.. تحدث محمود كهربا، لاعب الفريق الأول لكرة القدم بالنادي الأهلي، عن الضغوط التي تعرض لها خلال الفترة الماضية، وكشف عن شعوره بالمساهمة في فوز المارد الأحمر أمام بيراميدز في كأس السوبر.

كهربا: زعلان من اللي بيحصل ومليش ذنب في حاجة

وقال كهربا في تصريحات تلفزيونية: أنا كنت بمر بفترة صعبة، بس أهم حاجة البطولات بتعوض عن كل حاجة، وأنا زعلان جدًا من اللي بيحصل في الأجواء المصرية، مليش ذنب في أي حاجة وبيتحط اسمي في كل حاجة، واللي بيحصله كل ده بيصعب عليه نفسه.

وأضاف: حاسس بكل اللي بيحصل، ودايمًا بدعي ربنا إني أكون في أحسن حال، أنا الماتش اللي فات كنت حاسس إنه هيوصل إكسترا تايم، وفي أول الماتش كنت بهزر وبضحك وبغير الضغط اللي عليا.

كهربا: اللي معاه ربنا يمشي على المية

وواصل كهربا: قلت لكابتن سامي إني هنزل الشوط الثاني وهعمل حاجة للفريق، والحمد لله حصل في الوقت الإضافي وحصلت على ضربة جزاء.

وعن رجوعه بقوة بعد فترة الإيقاف، قال: اللي معاه ربنا يمشي على المية ويمشي على السما، واللي معاه أبوه وأمه يقفل الدنيا كلها.

واختتم كهربا مازحًا: استنى أشوف في جيبي فلوس ولا لأ، معيش غير 2 جنيه وخمسة جنيه هفطر بيهم الصبح فول وطعمية، وشدد على عدم رغبته في الحديث عن أزمة غرامة الزمالك وكيفية سدادها.