محمد فرج يعلن انفصاله عن زوجته بعد زواج سنة ونصف
محمد فرج يعلن انفصاله عن زوجته بعد زواج سنة ونصف.. أعلن البلوجر محمد فرج على صفحته الشخصية فيس بوك، انفصاله عن زوجته نوران نصر، وذلك بعد فترة زواج استمرت حوالي عاما ونصف.
البلوجر محمد فرج يعلن انفصاله عن زوجته
وكتب البلوجر محمد فرج على صفحته الشخصية، قل لن يصيبنا إلا ماكتب الله لنا، النهاردة انتهى زواج دام سنة ونص وعلاقة دامت 3 سنين، مرت بحلوها ومُرها وتم الانفصال بشكل نهائي.
وأضاف محمد فرج، الأسباب والتفاصيل ده شيء يخصني أنا وهي بس رجاء من كل الناس ماحدش له علاقة واحترموا الخصوصية، كل شيء قسمة ونصيب وربنا مش بيجيب حاجة وحشة دايما عندي يقين وإيمان بالله فالنقطة دى فبكون مرتاح نفسيا وضميري مرتاح.
وأوضح البلوجر محمد، الرجاء من كل الناس وصحابي ومعارفي، مش عايز حد يكلمني فالموضوع ولا يحكم عليا أو عليها، ومش هسمح لحد إنه يجيب سيرتها بكلمة عندي ولا يظلمها ولا يظلمني، لإني أكتر واحد عارف دماغ الناس وهيتكتب إيه ويتقال إيه.
وأشار إلى أنه مش عايز ريتش أو كلام رخيص مش بتاعي خالص، ومالوش علاقة بحياتي الطبيعية اللي في ارض الواقع وأسرتي وبيتي واللي عارفني كويس يعرف كده، وانا بقالي أكتر من ٧ سنين موجود مش محتاج اعمل حاجة الحمدلله القبول موجود من عند ربنا، بس ده أخر همي الناس الفاضية والمريضة اللي ماعندهمش حياة وقد ايه الفضول بياكلها، قرارنا واخدينه احنا بالتراضي وبمنتهى الاحترام والأدب.
واختتم كلامه موضح: كتبت الكلام ده لإني من الأول كنت بشارككم كل لحظة حلوة عشناها مع بعض، فواجب عليا اعرفكوا إن الموضوع انتهى، ومش محتاج أقول هو صعب عليا ازاي، بس ربنا زي ماقولت مش بيجيب حاجة وحشة، وهو ده المكتوب لنا.
حذف صورهم من على صفحاته الشخصية
والجدير بالذكر، أنه منذ حوالي شهر تصدر محمد فرج تريند فيسبوك بعد حذفه الصور التي تجمعه مع زوجته من صفحاته الشخصية على مواقع التواصل الاجتماعي، والذي اتضح فيما بعد أنه كان تمهيدًا لإعلانه خبر الانفصال وإنهاء علاقته مع زوجته.
