إلهام شاهين تطلب الإعدام للآباء في هذه الحالة

تحدت الفنانة إلهام شاهين إن المشاكل التي تواجه السيدات في المجتمع، وذلك خلال حضورها فعاليات منتدى الحياة للثقافة والفنون، قائلة: "المشاكل اللي بتتعرض لها السيدات كتيرة جدا، ومنها التحرش خصوصا أنه مش لازم حد يلمسك عشان يبقى تحرش، لأنه في تحرش لفظي، والسوشيال ميديا وقرفها والكلام والتعليقات السخيفة اللي ناس بتقولها على أي واحدة، لمجرد إنها مش محجبة فتلاقي تعليقات سخيفة عليها لما تنزل اي صورة".

 

آباء لازم يتعدموا

 

وأضافت إلهام شاهين: "في مناطق فيها جهل شديد مبيعملوش البنات من صغرهم وينزلوهم يشتغلوا أي حاجة، واللي بيخلف 15 عيل دول، الله لا يسامحهم، لأنهم بيئذوا أولادهم جدا سواء ولد أو بنت يخلفوهم، وهما مش ناويين يعلموهم أصلا فبيطلعوا إيه للمجتمع؟! فالأب يقولك هما يشتغلوا ويصرفوا عليا، يعني أب عايز يبقى بلطجي فيخلف عيال عشان يبلطج عليهم، العيال تشتغل من وهما أطفال، أب زي ده لازم يتعدم حرام يعيش، الأطفال دول ملهمش ذنب".

في سياق آخر كشفت الفنانة إلهام شاهين عن تفاصيل خاصة بالمسلسل الجديد، الذي تستعد لتصويره بعد شهر رمضان 2023، موضحة أنها ستؤدي دور أم لواحد من ذوي الاحتياجات الخاصة.

وقالت الهام شاهين على هامش تكريمها بمنتدى الحياة للثقافة والفنون: "الكتاب لازم يكتبولنا موضوعات تخص ذوي القدرات، وأنا عندي مسلسل إن شاء الله بعد رمضان، ممكن ابدأ فيه، وأجسد خلاله دور سيدة لديها ابن من ذوي الاحتياجات، وبدأنا نلتفت لهذه القضية مؤخرا، لكن أنا لوحدي مش كفاية لازم نهتم بيهم أكتر".

وأوضحت إلهام شاهين، أنها جسدت من قبل شخصية أم لأحد الأشخاص من ذوي الاحتياجات، في فيلم "خالي من الكوليسترول"، معتبرة أن هذا الدور من أجمل أدوارها على الإطلاق، كما شاركت في فيلم آخر بعنوان: "وحياة قلبي وأفراحه"، وفيه جسد شقيقها أمير دور شخص من ذوي القدرات الخاصة.

وتابعت: "نبيلة عبيد قدمت فيلما عن ذوي الاحتياجات وفاروق الفيشاوي كذلك، في الآخر هنجد أن كل الأعمال التي تناولتهم 4 أو 5 أفلام، وهذا قدر غير كاف".

وعن القضايا التي تهتم بمناقشتها قالت إلهام شاهين: "أهتم بقضايا الستات لأن مشاكلهم أكتر، ومش معني كدا إن مفيش مشاكل عند الرجال، لكن الست والراجل مرتبطين ببعض وحاجة واحدة".