سيدة تتعرض لإهمال طبي: الدكاترة نسيوا مقص في بطني منذ 2017
سيدة تتعرض لإهمال طبي: الدكاترة نسيوا مقص في بطني منذ 2017.. .سيدة تتعرض لإهمال طبي: الدكاترة نسيوا مقص في بطني منذ 2017. شهدت محافظة الشرقية واقعة إهمال طبي، تعرضت لها سيدة تدعى نورا عزت هاشم، خلال تواجدها بأحد المستشفيات بمدنية الزقازيق لإجراء عملية جراحية.
سيدة تتعرض لإهمال طبي
وقال شقيق السيدة نورا: شقيقتي عملت عملية في 2017 بأحد المستشفيات بالزقازيق بعد إجهاض حملها، وعملولها العملية ووقفولها النزيف وشالولها الرحم وكل حاجة، وقعدت في العناية المركزة في حدود أسبوع.
واقعة إهمال طبي في الشرقية
وأضاف شقيق السيدة نورا: وبعد أسبوع من إجرائها للعملية، تحسنت حالتها، لكنها اشتكت من بعض الألم، لكن الدكاترة قالولها أنتي كويسة وما فيش حاجة، ومن ساعة ما عملت العملية في عام 2017، وهي لسة حاسة بتعب، وراحت لدكاترة كتير، وكان بيدوها مسكنات، ولكن المسكنات مبقتش تجيب معاها نتيجة، ووزنها نزل جامد، وحصلها مضاعفات كبيرة.
واقعة إهمال طبي في الشرقية
وأردف قائلا: ومن 4 أيام، راحت أختي لأحد الدكاترة، واشتكتله من وجع في منطقة العملية، فطلب منها تعمل أشعة بالصبغة، وبعد ظهور نتيجة الأشعة، لقى الدكتور في الأشعة جيفت (مقص) في بطنها، وسألها الدكتور أنتي عملتي آخر عملية من أمتى فقالتوا في 2017، واستغرب ازاي فضلت عايشة لغاية دلوقتي وفي بطنها مقص معدني.
واقعة إهمال طبي في الشرقية
شقيق نورا عزت: الدكتور اكتشف وجود جيفت كبير في معدتها
وأكمل: طلب الدكتور منها، أنها تعمل عملية في أقرب وقت لإخراج الجيفت، وقالها قبل العملية لازم تثبتي حقك، وتعملي محضر، وبالفعل عملنا محضر في مركز بالزقازيق لإثبات الحالة برقم 866، وهتتعرض على الطب الشرعي يوم السبت، عشان تعمل العملية في القاهرة.
