السيسي يعلنها: مش أول مرة نقابل أزمات ومصر بتصمد بشعبها

علق الرئيس عبد الفتاح السيسي على حالة الخوف التي تنتاب بعض المواطنين بشأن الأوضاع الاقتصادية، قائلا: «لم نعكس التكلفة الحقيقية للسلع، وفيه خوف عند الناس، وأنا ملاحظ ده، بس مش موافق عليه خالص، هو إنتو أول مرة تشوفوا مشكلة ولا إيه، أول مرة يا مصريين تقابلوا أزمة؟".

وأضاف: "في السنين اللي فاتت دايما بنشوف أزمات، ومصر صمدت وعاشت وهتصمد وهتعيش، صمدت بالحكومة؟ لأ صمدت بالناس والشعب، بيكم يعني».

الرئيس السيسي

 

بنزيد 2 مليون سنويا

 

جاء ذلك خلال زيارة تفقدية أجراها الرئيس عبد الفتاح السيسي، إلى الأكاديمية العسكرية المصرية فجر اليوم، حيث قال أيضا: "تعداد مصر يقدر بنحو 104 أو 105 ملايين نسمة، والسنة بنزيد فيها 2 مليون، وفيه عندنا ضيوف في مصر مبقولش عليهم اسم تاني، عددهم من 6 إلى 7 ملايين عايشين معانا، لما تيجي تعوز توفر لكل الـ105 ملايين طلباتهم ده أمر مش بسيط".

وأضاف خلال كلمته أثناء تفقده فجر اليوم، في تقرير أذاعه التلفزيون المصري: «مش فلوس بس، لكن تنظيم، لأن أسعار السلع مبقتش زي الأول ولكن زادت، إحنا بنخلي شبكة من المنافذ وعربيات التوزيع للمنتجات تكون موجودة في أقرب ما يمكن للمناطق السكنية حتى لا تكون الأسعار ضاغطة».