تحقيقات في اتهام شاب بهتك عرض طالبة بالزاوية الحمراء: عشان يتجوزها

تحقيقات في اتهام شاب بهتك عرض طالبة بالزاوية الحمراء: عشان يتجوزها.. تحقيقات في اتهام شاب بهتك عرض طالبة بالزاوية الحمراء: عشان يتجوزها.. كشفت التحقيقات في واقعة هتك العرض طالبة على يد أحد الأشخاص كانت تعمل المجني عليها على رعاية أطفاله بمنطقة الزاوية الحمراء، تفاصيل ما حدث أثناء وقوع الجريمة.

هتك عرض طالبة بالزاوية الحمراء

وجاء بالتحقيقات أن المتهم هتك عرض الطالبة خلال وجودها رفقته داخل مسكنه لرعاية أطفاله، بأن مزّق ملابسها، ولامس أماكن ومواطن عفتها، وقبّلها عنوة، وحاول اغتصابها لكن الفتاة قاومته.

وقالت المجني عليها بالتحقيقات إن المتهم بعد فشله في الاغتصاب، دخل إلى غرفة في منزله، وخرج لها مرة أخرى بـ كارت شحن، وأعطاه لها، لتتحدث معه هاتفيا بعد عودتها لمنزلها.

وأشارت المجني عليها إلى أن المتهم طلب منها أن لا تخبر أسرتها بما حدث، وأنها وافقت على ذلك، ووعدته بأنها ستخفي الأمر عن والديها، وذلك حتى تتمكن من الهروب منه، والخروج من الشقة.

وأكملت المجني عليها أن المتهم قبّل رأسها 3 مرات، وأخبرها بأنه فعل ذلك معها ليتزوجها، وتعيش معه رفقة أطفاله في منزله، فخرجت الطالبة مسرعة، وأخبرت والدها بما حدث لها فور وصولها إلى المنزل.

وقالت أمام جهات التحقيق: المتهم دخل أوضة وبعدين اكتشفت أن هو لبس هدومه وخرج جاب كارت شحن وجه يدهولي علشان أبقى أكلمه، وقالي شايفة الباب اللي هناك ده مش ها تخرجي منه إلا ما أنا اقولك وأسمحلك، وقام مشاور لي على الباب وهددني وقالي تعرفي تحطي إيدك عليه قولتله لا، كنت خايفة وقولتله مش هعرف أحط إيدي على الباب ومش هخرج غير لما تقولي، وقالي مش هتخرجي غير لما تقوليلي إن كل حاجة تمام ومش هتقولي لأهلك حاجة فقلت له حاضر مش هقول أي حاجة ومش هتكلم علشان أعرف أخرج بأي طريقة.

واستكملت: بعد کده خدني باس على دماغي ثلاث مرات وقالي حقك عليا أنا بعمل كده علشان أتجوزك وتقعدي هنا بالعيال، وبعدين العيال الصغيرين خبطوا على الباب وكانوا لوحدهم وبعدين أنا خرجت عدلت نفسي في حوش العمارة وروّحت، ولما روّحت وأبويا جه كان باين عليا وحكيت له اللي حصل وهو ده كل اللي حصل.

وأجلت محكمة الجنايات، اليوم الثلاثاء، إعادة محاكمة المتهم لجلسة 20 فبراير المقبل، حيث إنه صادر بحقه حكم بالسجن المشدد لمدة 7 سنوات قبل أن يعيد المتهم إجراءات المحاكمة أمام محكمة جنايات شمال القاهرة المنعقدة بمجمع محاكم العباسية.