فيديو.. شيرين لـ عمرو أديب: أنا بحب حسام حبيب.. وكتبنا كتابنا امبارح
كشفت الفنانة شيرين عبدالوهاب لأول مرة عن تفاصيل أزمتها مع شقيقها محمد، وعلاقتها بطليقها حسام حبيب، وذلك في أول ظهور إعلامي لها بعد دخولها المستشفى.
وخلال برنامج "الحكاية" مع الإعلامي عمرو أديب المذاع قالت شيرين: "كنت قاعدة في مكان أمين جدا في المستشفى، واتاخدت على خوانة، بشكر محمد عبد الوهاب انه عرفني بالناس المحترمين دول وانهم كانو خايفيين عليا، وكنت بصحى بدري وحياتي بقت جميلة جدا ولذيذة".
كتب كتاب شيرين وحسام حبيب
وتابعت شيرين: "بشكر صحافة بلدي، وهتنازل عن أي حاجة انا كنت عملاها لـ محمد عبد الوهاب لأني مقدرش أعمل كدة، أنا شيرين اللي قلبها متسامح وهيفضل قلبي متسامح، وأنا مسامحة كل الناس ومقدرش على زعل أمي وعياطها، وبتنازل عن أي حاجة حصلت معايا والحمدلله، كان ممكن يحصلي حاجة مش كويسة أكتر من كدة، وأنا مش حزينة باللي حصل".
واختتمت: أنا تم كتب كتابي على حسام حبيب، وبعتذر لحسام عن كل الكلام اللي أنا قولته في حقة، وأنا بحبه جدًا".
