وفاء سالم تكشف معاناتها بعد عملية تجميل خاطئة تسببت في تشوهات

أوضحت الفنانة وفاء سالم، تفاصيل خضوعها لعملية تجميل خاطئة، نتج عنها حدوث تشوهات في وجهها، وذلك في مقطع فيديو بث مباشر عبر حسابها الشخصي على موقع التواصل الاجتماعي فيس بوك.

وتحدثت وفاء سالم قائلة : "الحمد لله على كل حاجة بتحصل، كل حاجة بتحصل في حياتنا مقدر أنها تحصل مش من النوع اللي يشيل الطين، قبل العملية كنت نفسيًا مش مبسوطة، كان عندي محقون خد، وحقن في آثار العملية لسه موجودة ولسه فيه ورم، الجرح كان فوق الحاجب الدكتور فتح وكان فيه صديد واصل للمخ والشبكية والدكتور صوره فيديو".

وتابعت وفاء سالم:"كان عندي خد أكبر من خد، فكنت بضايق أنا مبحبش أكون مش أنا، مش معناه إني ضد التجميل، التجميل معمول لخدمة الجمال، يحاول يخلي الإنسان شكله طبيعي، شوفت وشوش بلاستيكية وعمري ما طلبتها، الإحساس بيقل ويخفت لما الإنسان ميبقاش على راحته".

واضافت قائلة في حديثها:"أنا عايزة ملامحي زي ما هي زي ما انتوا حبتوني، فيه أعمال قدمتها مكنتش راضية عنها، لأني مكنتش حاسة الإحساس الطبيعي، فبلاقي التعبير ضعيف وناقص، لو ربنا قدر واشتغلت في الفن تاني، مبدورش أكون صغيرة، أنا في النهاية ماما وابني كبير، مش بخبي عنه حاجة، لما عملت العملية ابني كان معايا خطوة بخطوة لو فيه حاجة غلط مكنش هيوافق، ابني ساعدني أتخطى مرحلة صعبة في حياتي".