وفاء سالم تكشف كواليس خطيرة بعد تعرض وجهها للتشوهات (فيديو)

كشفت الفنانة وفاء سالم، حقيقة تعرضها لتلفيات وتشوهات في وجهها بسبب عملية تجميل غير ناجحة.

عيوب وجه وفاء سالم

وقالت خلال لقائها ببرنامج "الحكاية" الذي يقدمه الإعلامي عمرو أديب بقناة "إم بي سي مصر": "أنا على مدار أكثر من سنة كنت تعرضت لحقن وخيوط عند دكاترة كبيرة ومشاهير، وكنت كل مرة أروح لدكتور يعمل لي حقن على أساس أن ده هيصلح لي عيب ومشكلة اللي قبله".

تشوهات وجه وفاء سالم

وأضافت: "الأعمال الفنية اللى كنت بشترك فيها لما بتفرج على النتيجة بلاقي فيه تشوهات في وشي، وأصدقائي كانوا بيتكسفوا يقولوا ليا إن عندي خد أكبر من الخد التاني وأن فيه تشوهات في وشي، ووصلت لمرحلة أني مش عايزة أروح لأي دكتور لأن كل مرة بيقولوا ليا مش هنقدر نتعامل مع حالتك لأن فيها حقن كتير".

خطر يهدد حياة وفاء سالم

وأكملت: "ربنا كرمني وقابلت دكتور سمير غرابة وحط إيده على جزئية أني محتاجة أعمل أشعة على المنطقة اللي فيها تشوهات، ولقينا فيه صديد واصل للشبكية والمخ، والحمد لله ربنا أنقذ حياتي بعيدًا عن وشي، وإذا كنت همثل تاني ولا لأ لأن الأهم أني موصلتش لمرحلة خطرة تهدد حياتي".

تلفيات وتشوهات في وجه الفنانة وفاء سالم بسبب عملية تجميل غير ناجحة.. الفنانة وفاء سالم تكشف تفاصيل هامة

تقدر تشوف الحلقه كامله على شاهد (اتفرج ببلاش)https://t.co/LayFZOKEEy #الحكاية#MBCMASR pic.twitter.com/jnkJXFKaTy

— الحكاية (@Elhekayashow) October 28، 2022

أزمة عمليات التجميل لوفاء سالم

ولفتت: "الصديد من الحقن اللي كان بيتحقنلي زعمًا أنه بيصلح لي الحقن اللى قبله ولكن كان بيبوظ وشي، والخيوط اللي دخلت وشي هي سبب الصديد، وتعرضت لشكل من أشكال الابتزاز".

حالة وفاء سالم

وأتمت: "حالتي دلوقتي الحمد لله أحسن ورجعت بنسبة كبيرة لشكلي القديم ورجعت وفاء سالم، وأنا مش عايزة عمليات تجميل ولكن عايزة وفاء اللي الجمهور حبها".