صوروني بالملابس الداخلية.. التحقيق مع طبيب سعودي ضحية عصابة بولاق الدكرور

كشف طبيب سعودي يدعى ج.م 62 عام، خلال التحقيقات في واقعة استدراجه بحجة عمل جلسة مساج في منطقة بولاق الدكرور، على يد 6 أشخاص، بعد أن تواصل معه أحد المتهمين عبر موقع التواصل الاجتماعي فيس بوك وطلب منه التقابل بأحد الشوارع بمنطقة العجوزة لإتمام الجلسة.

جلسة مساج لـ طبيب سعودي

وخلال التحقيقات قال المجني عليه - طبيب سعودي-: اللي حصل إني شفت منشور على مواقع التواصل الاجتماعي فيسبوك، لعرض جلسة مساج وأنا قمت بالتواصل معهم عن طريق الماسنجر وبعدها بعتلي رقم التليفون بتاعه واتفقت مع الشخص دع وتمت المقابلة يوم الاثنين الساعة السابعة مساء عند مطعم شهير بشارع السودان.

النصب على طبيب سعودي

وأضاف الطبيب السعودي خلال التحقيقات: ولما وصلت للمكان قالي أعدي الناحية التانية وأنا بالفعل روحت وعديت السلم ونزلت على منطقة أرض اللواء قصاد جامع معرفش اسمه وهناك تقابلت معه واتفقنا أننا هنروح شقة لعمل المساج بها ووصلنا بتوك توك بمنطقة بولاق الدكرور.

وتابع الطبيب السعودي: لما وصلنا للشقة دخلت أنا وهو وبعدها دخلني غرفة وقالي أخلع هدومك ماعدا ملابسك الداخلية لحد ما يدخل يغسل شعرة ويجي وبالفعل أنا قلعت هدومي وكنت قاعد مستني لحد ما هو جالي وقالي نام علي بطنك وفي الوقت ده لقيت حوالي ثمانية أفراد فوق دماغي ولقيت واحد منهم بيصورني ولقيتهم بيقلولي إحنا صورناك وأنت نايم علي بطنك وبعدها فضلوا يشتموا فيا ويهددوني بالقتل وكان معاهم أسلحة بيضاء ضربوني بيها علي وشي بس من غير إصابات.

تصوير طبيب سعودي عاريًا لابتزازه وتهديده

وأضاف الطبيب السعودي أمام جهات التحقيق: المتهمين وقت احتجازي قالولي عايزين مائة ألف جنيه ونسيبك تروح وأنا ساعتها فكرت في ناس كتير لغاية ما اتصلت بأخويه وزميلي وفي ناس اتصلت بيهم مردوش عليا لحد ما الحكومة جت وأخدت ثلاثة أشخاص كانوا موجودين معايا في الشقة والخمس أشخاص الآخرين مكنوش موجودين في الشقة علشان كانوا رايحين يقابلوا أخويا في شقة فيصل علشان يديهم الفلوس وبعدها رحت الشرطة قسم الدقي وعملت محضر وده كل اللي حصل.