فيديو.. علاء مرسي يثير الجدل بتصريح «خايف أموت وعليا ديون»
حل الفنان علاء مرسي، ضيفا على الإعلامية راغدة شلهوب ببرنامج نص الكلام، المذاع عبر قناة النهار، وكشف أسراره الفنية والشخصية، مؤكدا أنه لا يزال منتظرًا للفرصة التي يستحقها والأدوار التي يحلم بها والشخصيات التي يتطلع لتجسيدها.
ونستعرض لكم في هذا التقرير أبرز تصريحات علاء مرسي في برنامج نص الكلام:ؤ
-الإعلام موتني 8 مرات وكنت بتخض لما بسمع خبر وفاتي.
-بخاف من الوحدة والضلمة أنا بحب أعيش وسط الناس.
-كنت هعتذر عن فيلم الأستاذة إنعام محمد علي بسبب نزول البحر لأني بخاف منه.
-مبعرفش أنام في الضلمة وبسيب التلفزيون شغال لحد الصبح.
-لما سمعت خبر موتي أول حاجة جت في بالي القبر وربنا هيبقى رحيم بيا.
-مشكلتي أني بكون بطبيعتي لكن مهنتنا لازم نلبس لها ماسكات.
-أنا مختفي عن الساحة الفنية بسبب المنافسة والخوف من خطف البطولة من نجوم الصف الأول.
-الناس كانت تقصد أني أقعد في البيت بسبب المنافسة.
-أنا من وجهة نظرى ممثل كبير وعظيم وموهوب.
-أول متهم في اختفائي عن الساحة الفنية هو أنا.
-المنافسة الشريفة في مجال الفن كلام فاضي.
-أنا اللي ظلمت نفسي وأني كنت بتكسف أطلب من حد مع أني بخدم كل الناس ووقفت جنب نجوم وقدمتهم.
-أنا مؤمن إن اللعبة بلياردو والبقاء لصاحب اللعبة القوية.
-بشتم اللي بيقولي أنت ولا حاجة في التعليقات.
-بتمنى أني محتاجش لأي شخص وربنا يحوجني له هو بس.
-فقدت الأمل في بعض الفترات لكن لدي إيمان قوي أن الله يخبئ لي شيء يسعدنى سواء في حياتي أوبعد مماتي.
-أنا على طول مديون وعندي طول الوقت أقساط وبعدين ربنا بيكرم فجأة وميبقاش عليا.
-أنا مستور بس خايف أموت وعليا ديون.
-الدين مش بس فلوس الدين حاجات معنوية كمان.
-في فنانين مش بيحترموا الكبار أكون رايح التصوير الأقيهم بيحطوا روج وشايفين نفسهم دون حق.
