شاهد.. دينا فؤاد تعلق على انهيار هدنة غزة: بقالنا 50 يوم بنموت ونصحى

شاهد.. دينا فؤاد تعلق على انهيار هدنة غزة: بقالنا 50 يوم بنموت ونصحى... تضامنت الفنانة دينا فؤاد مع الشعب الفلسطيني، بعد انهيار الهدنة واستمرار القصف على قطاع غزة.

وشاركت دينا فؤاد «استوري» عبر حسابها الرسمي بموقع تداول الصور والفيديوهات «إنستجرام»، كتبت فيه: "مشهد إيه اللي نعتاده؟.. نعتاد إزاي مشهد أشلاء بني آدمين وأطفال وجثث أطفال رضع فالحضانة.. نعتاد إزاي أم ماسكة إيد ابنها اللي مهدود عليه مبنى کامل ومش باين منه غير إيده".



اقرأ أيضاً| نبيلة عبيد تتغزل في صديقاتها بعد تكريمها بمهرجان البحر الأحمر

وأضافت: "نعتاد إزاي مشاهد التعذيب وخطف وإهانة الرجالة والشباب والولاد الصغيرة.. نعتاد إزاي منظر الأم وهي جرا ولادها وماشية بيهم 14 كيلو على رجليها عشان مبقاش عندها بيت ولا مأوى.. نعتاد إزاي منظر الدكاترة وهما متبهدلين وما شافوش يوم راحة ويتفاجأوا بعيالهم داخلين المستشفيات مستشهدين قدام عينيهم".

وتابعت: "نعتاد إزاي ضرب المدارس والجوامع و المستشفيات.. نعتاد إزاي ناس تحت الأنقاض وصوتهم طالع ولسه فيهم روح.. نعتاد إزاي منظر الناس والأطفال المبتورة.. نعتاد إزاي منظر الراجل المصاب اللي ماشي متعلقله محاليل وماشي بالحالة دي 14 كيلو على رجليه.. نعتاد إزاي منظر العيال المصابة فالمستشفيات اللي صحيت لقت نفسها يتيمة.. نعتاد إزاي مشاهد اتحفرت في ذهننا ومع ذلك كل ما بنشوف كارثة جديدة كأننا عمرنا ما شوفنا البشاعة والجحود ده قبل كده ونعيش الشعور كله من أول وجديد".

واختتمت: "بقالنا 50 يوم بنموت كل يوم ونصحى نعيد كل ده من أوله تاني ونعيش تروما أفظع من اليوم اللي قبليه، مفيش ولا حاجة واحدة مصبرانا على البلاء غير إننا عارفين أنهم شهداء وأحياء عند ربهم يرزقون وإن الكيان الثاني، وقود النار ومكتوبله حياة مخلدة فالعذاب، مفيش حاجة مصبرانا غير وعد ربنا لينا وليهم، وأنه في آخرة موعدين بيها نشوف الكيان ده وهو بيتحاسب، ربنا يصبرهم ويصبرنا احنا كمان ويحافظ على يقينا وتوكلنا عليه دايما، لأن كل ده بنمتحن فيه دلوقتي".