موعد الإعلان رسميا عن صفقة إمام عاشور في الأهلي
موعد الإعلان رسميا عن صفقة إمام عاشور في الأهلي... استقر مسؤولو النادي الأهلي على موعد الإعلان الرسمي عن صفقة إمام عاشور، بعد حسم ضمه لصفوف المارد الاحمر قادمًا من نادي ميتلاند الدنماركي لمدة 5 مواسم.
ونجح النادي الأهلي في الاتفاق مع إدارة ميتلاند الدنماركي على الحصول على خدمات إمام عاشور مقابل 3 مليون دولار، في صفقة ستحدث جدلًا في الوسط الرياضي في مصر، كون اعتبار جماهير الزمالك إمام عاشور أحد اللاعبين المنتمين للقلعة البيضاء.
موعد الإعلان الرسمي عن صفقة إمام عاشور
ومن المقرر أن تعلن إدارة النادي الأهلي عن صفقة إمام عاشور، عقب مباراة الأهلي والمقاولون اليوم الأحد، في تمام التاسعة والنصف مساءً، في إطار مباريات الجولة 34 من عمر الدوري المصري.
وقد يعلن الأهلي عن صفقة إمام عاشور عقب المباراة مباشرةً، أو صباح يوم الاثنين المقبل.
عمرو أديب عن هزيمة الزمالك أمام الأهلي: خبطة إمام عاشور معلقة في دماغ النادي كله
علق الإعلامي عمرو أديب على هزيمة الزمالك أمام الأهلي برباعية قائلا: 'إحنا خسرنا عشان سيئين.. والحارس بتاعنا مش كويس.. أنت منتظر إيه من فريق بيلعب وتلته بيفكر هيروح الأهلي إزاي، والتلت التاني بيفكر هيروح بيراميدز وفيوتشر إزاي؟؟.. والجزء الأخير بيفكر ويقول أنا هقعد أعمل إيه لوحدي؟'.
وخلال تقديم برنامجه 'الحكاية' عبر فضائية 'إم بي سي مصر' تابع أديب: 'إحنا عندنا وهم أننا لو لبسنا الفانلة الزرقاء هنكسب وننزل نزرقها على الفريق اللي قدامنا.. طيب أهي ازرقت على دماغنا كلنا.. دي مش فانلة رجالة يا جماعة وكلها 'ترتر'.
وأكمل أديب: 'اللي بيحصل للزمالك ده هيخلص إمتى؟.. الدولة مش عايزة تتحرك، والجمعية العمومية مش عايزة تتحرك'.
