حسن شاكوش عن خناقته مع زوجته: هستغل التريند بأغنية جديدة

حسن شاكوش عن خناقته مع زوجته: هستغل التريند بأغنية جديدة.. علق مغني المهرجانات الشعبية حسن شاكوش، على خلافه مع زوجته ريم طارق، والتي حررت محضرًا ضده مؤخرًا.

وكتب حسن شاكوش، منشورًا عبر حسابه الشخصي بموقع تبادل الصور والفيديوهات إنستجرام، قال فيه: الحمد الله والشكر ليك يارب على كل حال الحقيقة الفترة اللي فاتت شاركنا معاكم مشاكل كثيرة مكنش ينفع أننا نشاركها معاكم لأن محدش يعلم شيء طلاما محدش شاف حاجة، وأنا برضو هفضل عند قراري مش هتكلم في أي تفاصيل حتى مهما سمعت أي تجريح بس حقيقي كل شخص هيتسأل قدام ربنا عن كلامه.

وأضاف حسن شاكوش: أنا حابب اعتذر لكل أهل بيتي وجميع أفراد إدارة أعمالي وكل فرد في فرقتي على الإساءة اللي بيتعرضولها يوميًا من خلال السوشيال ميديا وخارج السوشيال ميديا، وأسف تاني لكل أهل بيت في مصر على الإساءة اللي حصلت على السوشيال ميديا.

واختتم شاكوش: حابب أشارك معاكم التريند بطريقة كوميدية وفيديو ترفيهي على التيك توك بدون الإساءة لأي شخص ربنا يعلم أنها حاجة ترفيهية فقط وربنا يهدي حال الجميع والحمد الله على كل شيء وانتظروا شغل جديد الفترة اللي جاية دعواتكم.

وتصدرت ريم طارق، زوجة حسن شاكوش، مطرب المهرجانات الشعبية، تريند مواقع وصفحات التواصل الاجتماعي خلال الفترة الماضية، عقب أن حررت محضرًا ضد زوجها واتهمته من خلالها بسرقة شبكتها والمنقولات الزوجية، عقب أن طردها الأخير من مسكن الزوجية نتيجة نشوب خلافات بينهما.