الراقصة شمس تجدد هجومها على سعد الصغير: قتل بنتي واتجوزني بالإكراه

الراقصة شمس تجدد هجومها على سعد الصغير: قتل بنتي واتجوزني بالإكراه ... نشرت الراقصة شمس مقطع فيديو بث مباشر عبر حسابها الشخصي بموقع التواصل الإجتماعي فيس بوك تتحدث فيه عن أزمتها مع المطرب سعد الصغير.

 

الراقصة شمس وسعد الصغير

 

وقالت شمس في الفيديو:"عايزة أتكلم في كم حاجة عشان دي أعراض وسمعة..قبل اي حاجة ياريت أن شاء الله يكون كل السادة المسؤولين والاعلاميين سامعني، وكل الوطن العربي، أنا عايزة أعمل بلاغ للرئيس عبدالفتاح السيسي، و استغاثة على الهواء ضد المدعو سعد محمود حنفي الهشير بسعد الصغير، ميرضيش حضرتك أحنا في شهر كله خير، أنا مواطن مصري وواحدة ست مصرية اتخطفت ومضت ايصالات امانة بالعافية وقطعلي بنتي وأنا حامل فيها في الشهر السابع".

وأضافت شمس قائلة:"كان موتني وربنا حيياني مرة تانية، فدي بلطجة وخطف وقتل في عهد حضرتك، أحنا بلد الأمان مصر، فمينغفش ده يحصل في عهد حضرتك أن واحدة ست تتخطف وتتقتل بنتها وتمضي بالأكراه إيصالات أمانة وعقد جواز بالأكراه والضرب".

وتابعت:"وفيه تقرير طبي وفيه قضية في النيابة العامة بالكلام ده، وتقرير طبي من المستشفى العامة، لو السادة المسؤولين اطلعوا على الورق والجريمة البشعة دي، أنا بتمنى من حضرتك تكون سامعني، أنا فنانة مصرية ومش معنى أني فنانة فمليش حقوق لا أنا مواطنة مصرية قبل ما أكون فنانة مصرية، بتمنى حضرتك تكون سمعني وأنا عايزة أنزل مصر بلدي، وحضرتك نزلني مصر، وعايزة اخد عدم تعرض على المجرم سعد الصغير.