فيديو.. ريم مصطفى تكشف لأول مرة: أنا مطلقة وعندي ولدين

كشفت الفنانة ريم مصطفى مفاجأة لأول مرة، وهي أنها مطلقة ولديها ولدين، وأنها تزوجت في سن 19 سنة. 

وقالت ريم مصطفى، خلال استضافتها في برنامج كلمة أخيرة تقديم الإعلامية لميس الحديدي المذاع عبر قناة on: أول مرة بقول كده أنا مطلقة وكنت متزوجة وعندي ولدين عمر وعلي، مضيفة: تزوجت صغيرة جدًا في عمر 19 سنة وكانت من أهم التجارب في حياتي وتعلمت منها أن أهم شيء كيف نختار شريك الحياة.

وتابعت: من حسن حظي أن زوجي محترم وابن ناس وراقي والطلاق كان بعد عشر سنين زواج بسبب أننا مختلفين عن بعض ومش لازم الطلاق يعني أننا نفرج الناس علينا ونروح محاكم وأبو ولادي بتربطني بيه علاقة صداقة واحترام.

وردت ريم مصطفى على سؤال الإعلامية لميس الحديدي: معقولة كل الجمال ده والشطارة في المطبخ ومفيش راجل لحد دلوقت، لترد قائلة: لا مفيش في الوقت الحالي لكن ممكن يبقى فيه بكره، وأكيد كان فيه حب سابق محدش مننا غير ما مر بده.

وأضافت: المشكلة أنهم بيعتقدوا أن علاقات الحب بسيطة وبياخدوها ببساطة شديدة وعشان كده أي واحدة وواحدة في علاقة لازم يعرفوا هما بياخدوا القرارات إزاي فيه ناس بتبقى عاوزة تتجوز وخلاص وبعد كده يحصل الصدام وينتج عنه طلاق كتير وده بنشوفه في علاقات كتيرة حوالينا.
وكشفت الفنانة أنها لو وقعت في مشكلة في يوم ما ستلجأ لطليقها، قائلة: الحاجة الوحيدة اللي اتفقنا عليها إننا نربي ولادنا كويس.