عمرو أديب: الدولار يسجل أعلى سعر منذ بداية السوق السوداء

تحدث الإعلامي عمرو أديب عن ارتفاع الدولار خلال الفتر الأخيرة، قائلا: النهاردة هو أعلى سعر للدولار من أول ما ابتدينا السوق السوداء فى مصر ومن أول الثمانينات لغاية النهاردة.. الرقم غريب ومحدش فاهم حاجة كمان الناس لما تطلب مفيش.. هناك تباطؤ فى التضخم لأن فيه ركود.

ارتفاع أسعار الدولار

وأضاف عمرو أديب خلال تقديم برنامج الحكاية اليوم، أن هناك ركود تضخمي ولا أحد يقوم بشراء السلع بنفس المستوى السابق، وهناك تقليل في الاستهلاك.

وأشار إلى أن هناك زيادة في الأسعار والزيادة نعلم أنها غير حقيقية، لافتا إلى أنه لا يوجد تصدي من الحكومة لارتفاع الدولار.

وتابع: ارتفاع السكر الآن لغز نحن من يقوم بزراعة القصب والبنجر، ما دخل الدولار في الأمر، وأنا محترم الأزمات عايزين نعرف ما يحدث.. واضح أن أي حد في السوق أقوى من الحكومة.

وأكمل أديب: مش عايز أشوف حد بيضحك على الناس كفاية.. في شيء غير طبيعي.. وفى حد فى البلد دي فاهم اللى بيجرى ويقدر يوقفه.. الناس مش قادرة تشترى.. والزيادة بعد كده لأ.. خد بالك إن الطبقة المتوسطة انزلقت.