فيديو.. عمرو أديب منفعلًا بسبب غلاء الأسعار: الناس متبهدلة

انفعل الإعلامي عمرو أديب بسبب زيادة أسعار السلع قائلا: 'في بعض المواقع بتكتب وتنشر أخبار تقول إن هناك انخفاض في أسعار السلع.. وأنا بقولكم مفيش الكلام ده.. يا جماعة الناس متبهدلة.. انزلوا شوفوا إيه اللي بيجرى في البلد.. الأسعار كل يوم بتزيد'.

وخلال تقديم برنامجه 'الحكاية' عبر فضائية 'إم بي سي مصر' تابع أديب: 'مفيش انخفاض شديد في الأسعار ولا حاجة زي ما الناس بتقول.. وليا فترة كل شوية يطلع واحد يقولك خلال أيام انخفاض أسعار السلع.. وأنا دلوقتي مش بتكلم عن أسعار السلع في الساحل، لأن ده قصة تاني خالص.. أنا بتكلم على أسعار الراجل الطبيعي اللي نازل يجيب أكل لعياله'.

ارتفاع أسعار السلع

 

وواصل أديب: 'أنا عشان غني مش هتكلم عن غلاء الأسعار يعني؟.. لأ طبعًا لازم أتكلم وأقول.. الناس متبهدلة جدًا.. والأسعار كل يوم بتزيد، ومفيش انخفاض.. انزلوا وشوفوا حل.. ليه الأسعار مستمرة في الارتفاع؟'.