عمرو أديب يعلن عن أشخاص يعلنون ترشحهم للرئاسة خلال ساعات
علق الإعلامي عمرو أديب على الجدل المثار بشأن إجراء انتخابات رئاسية مبكرة، قائلا: "يا جماعة كده كده هيحصل انتخابات.. الدستور بتاعنا بقول كده".
وخلال تقديم برنامجه "الحكاية" عبر فضائية "إم بي سي مصر" تابع أديب: "أنا هقولكم خبر.. خلال ساعات في بعض الأشخاص هيعلنوا ترشحهم للانتخابات الرئاسية.. ودي معلومة مؤكدة مش مجرد توقع".
الانتخابات الرئاسية
وواصل أديب: "إيه المشكلة يعني أما حد يترشح للانتخابات الرئاسية؟.. ما كل دول العالم بيحصل فيها انتخابات.. ليه كل ما نقول اسم حد تطلع ناس تقول محدش ينفع.. ومفيش بديل للموجود.. معقول يا جماعة الـ 100 مليون مفيش حد منهم يصلح؟.. إدونا فرصة نختار يا جماعة ونعارض ونتكلم.. إيه المشكلة يعني؟".
واختتم أديب: "إحنا بلد متحضر.. وعندنا ناس مثقفة.. وهيجرى إيه يعني لو قلت أنا مش عاجبني فلان أو مش عاجبني الوضع ده؟.. لو مصر هتهز من كلمة تبقى هشة".
