ياسمين عز قبل نهائي الأهلي والوداد: الكورة زي الستات ملهاش أمان
ياسمين عز قبل نهائي الأهلي والوداد: الكورة زي الستات ملهاش أمان .. وجهت الإعلامية ياسمين عز، نصائح ووصايا عشر للتعامل مع الزوج الأهلاوي قبل مباراة الأهلي والوداد، المقرر لها اليوم الأحد، وذلك خلال حلقة اليوم من برنامجها كلام الناس المذاع عبر قناة إم بي سي مصر.
نهائي إفريقيا بين الأهلي والوداد
وخلال برنامجها "كلام الناس" قالت عز: "زي ما أنتم عارفين لما بيكون فيه ماتش مهم في نهائي بطولة كبيرة زي مباراة الأهلي والوداد، البيوت بتكون مكهربة والرجالة متوترة وعلى أعصابها وده شيء ما نحبوش، ولأني بحبك وعاوزة مصلحتك هقولك على الوصايا العشر للتعامل مع جوزك الأهلاوي قبل الماتش".
- بلاش أكل دسم والغداء يا ريت يكون خفيف علشان يقدر يشجع وهو في كامل طاقته، وشوفي كنت طابخة ليه إيه يوم ماتش الترجي اللي فات واعمليه له من باب نشر التفاؤل.
- كتري من المصطلحات اللي تفكر جوزك بالبطولات اللي فاتت، وحمسيه، يعني بعد ما يخلص صلاة قولي له: الأرض لا تنسى جباه الساجدين، ولو قال لك عاملة لينا أكل إيه النهارده قولي فم حاجة، ولو اسمه علي وبينادي عليكي تردي عليه وتقول لي سي علي سي.
- أنا من أنصار صينية البط بالبرتقال وبشجعك تعمليها دايمًا، لكن بلاش تعمليها يوم الماتش، وأوعي تتصوري سيلفي وتصدري له بوز البطة وبلاش عقلك يهفك وتقولي واك واك علشان البطة والواك واك علامات مميزة لنادي الوداد.
- لو جوزك تاج راسك من النوع العصبي تشيلي أي أدوات قابلة للكسر في محيط عشرين متر في المكان اللي حواليكي والشاي يكون في كوباية كرتون، لأننا ما نضمنش رد فعله.
- اعملي أن مامتك وحشاكي وقولي له، إنك رايحة تزوريها ويا سلام لو تباتي عندها.
- خلي حاجة حلوة وحاجة حادقة في التلاجة، لأن الماتش صعب وممكن تيجي له كومة سكر أو ضغطه يعلى والكورة ملهاش أمان زي الستات.
- بلاش نوعية الأسئلة المستفزة، من نوعية أنت بتفكر في مين، لأن لو بيفكر في واحدة غيرك الأسبوع ده مش هيفكر غير في مين هيبدأ مكان الشناوي.
- ما حبكتش عزومات في اليوم ده، ومالهاش لازمة تنفيض البيت، ده علامة ماج النسافية لازقة في الكومودينو ومكسلة تشليها، وما حبكتش الراجل عاوز يركز مالهاش لازمة تنفيض وتلميع.
