إجابة صادمة من بطلة مصارعة على سؤال عمرو أديب: بتاخدي كام على ذهبية إفريقيا؟

إجابة صادمة من بطلة مصارعة على سؤال عمرو أديب: بتاخدي كام على ذهبية إفريقيا؟.. وجه الإعلامي عمرو أديب، سؤالا لـ سمر حمزة، المصنفة الأولى عالميًا والحائزة على ذهبية إفريقيا في المصارعة الشاطئية، عن قيمة المكافأة المالية الخاصة بـ "ذهبية إفريقيا".

عمرو أديب لـ سمر حمزة: بتاخدي كام على ذهبية إفريقيا؟

وقال عمرو أديب، خلال تقديم برنامجه "الحكاية" المذاع عبر قناة "إم بي سي مصر": "هي ذهبية إفريقيا بتاخدي عليها كام؟ مليون جنيه ولا نصف مليون"، لترد حمزة: "مبلغ بسيط، الجوائز في الألعاب الفردية أقل من الجماعية، المليون جنيه بتكون في الميدالية الأوليمبية، نتمنى ناخد نصف مليون، انزل شوية".

وعقب أديب: "طب بتاخدي 100 ألف؟"، لترد: "والله إحنا نتمنى ناخد 100 ألف ولا حتى 50 ألف.. انزل شوية".

ليعلق عمروأديب" قائلًا: "يالهوي… مفيش خمسيناية برضه، طب يعني 20 ألف يعني؟ مكملتيش ألف دولار؟"، لترد سمر حمزة: "انزل سيكا كمان".

وتابع عمرو: "هو في سيكا تحت العشرين؟! ما دام سيكا مش هسأل بعد السيكا، لأن بعد السيكا في نهاوند وحاجات حزينة".