فيديو.. عمرو أديب: معندناش إلهاء.. الدولة عندها مصايب الله أعلم بيها

قال الإعلامي عمرو أديب: "احنا معندناش إلهاء، والإلهاء ده يبقى معمول لشعب معندهوش كم المشاكل الموجودة عند الشعب المصري".

نضال الشعب المصري

وأضاف خلال برنامج "الحكاية" المذاع على قناة "إم بي سي مصر": "الشعب المصري بيكافح، والست المصرية قاعدة في المطبخ بتفكر هتطبخ ايه وتأكل العيال ازاي وهتوفر ايه وهو ده نضال الشعب المصري والمرأة المصرية".

مصائب الدولة في ظل الأزمة العالمية

وتابع: "الناس ملهية بفاتورة الكهرباء وهي داخلية عليها وبيحطوا ايديهم على قلبهم، ومحدش ملهي بخبر عن الفنانة، ومحدش يتكلم عن سياسة الإلهاء، الدولة عاملة ايه خليها في اللى هي فيه، الدولة عندها مصايب الله أعلم اللى احنا فيه هيخلص امتى، سياسة إلهاء ايه اللى الدولة بتعملها".

 

الظروف المحلية

وأكمل: "أرجوكم يا جماعة نركز شوية احنا فيأازمة عالمية محلية ليها ردود أفعال واضحة حواليك، فاتورة مياه وكهرباء، وبنزين، وسلع عاملة ازاي، فكروا في عيالكم والظروف اللى احنا فيها ونحاول ندبر حالنا".