إحنا الجمهور النايتي.. أول تعليق من صاحبة عيد الميلاد في استاد القاهرة

شهدت مواقع التواصل الاجتماعي موجة من الغضب والسخرية خلال الساعات الماضية، بعد تداول عدد من الصور لمشجعي الأهلي خلال مباراة الأهلي والوداد المغربي، في إطار ذهاب نهائي دوري أبطال إفريقيا، والتي أقيمت ليلة أمس الأحد على استاد القاهرة الدولي.

وظهر بالصور عدد من مشجعي النادي الأهلي، يحتفلون بعيد ميلاد صديقتهم بالمدرجات، حيث أحضروا تورتة معهم، مما أثار تعجب عدد كبير من رواد مواقع التواصل الاجتماعي.

أول تعليق من نشوى أبو زيد صاحبة عيد الميلاد في استاد القاهرة

ونشرت نشوى أبو زيد مشجعة النادي الأهلي والتي أحضرت التورتة برفقة عدد من أصدقائها، باستاد القاهرة الدولي، عبر صفحتها الشخصية بموقع التواصل الإجتماعي فيسبوك فيديو ترد فيه على الانتقادات التي وجهت إليها.

 

وقالت نشوى أبو زيد: رسالة إلى أحمد حسام ميدو، الفيديو ده ليك.. إحنا الجمهور النايتي.. إحنا بتوع عيد الميلاد في الاستاد، صحيت النهاردة على تريند جديد بتاع عيد بتاع المقصورة.. إحنا الجمهور النايتي اللي واخد حق الإعلاميين في الكراسي والمدرجات والتشجيع.

نشوى أبو زيد

وتابعت نشوى أبو زيد: كلامك حلو قوي يا ميدو ياللي بتتكلم إن جمهور الوداد بيشجع وجمهور الأهلي بيطفي شمع.. يارب ناركم تطفي لأن أنتم عندكم مشاكل، إحنا دخلنا الاستاد الساعة 3 وكان معانا كاب كيك.. وهزرنا وقلت لهم النهاردة هيبقى أحلى عيد ميلاد يلا ناخد صورتين، التورتة دي كانت حاجة تتاكل، ولكن التقطنا في لحظة، والماتش كان الساعة 9.. تعرف تقرأ الساعة يا ميدو؟.

وأضافت نشوى أبو زيد: لقيت هجوم من صفحات كتير وكله كاتب هما دول اللي بييجي لهم دعوات، لأه إحنا بنشتري التذكرة بـ 1000 جنيه، وبنقف نتبهدل ونتمرمط بالـ 4 ساعات في الطابور عشان ندخل المدرجات نعرف نشتري التذاكر.. يا ترى ليه مصورتش الـ 70 ألف مشجع والمظهر الحضاري والناس وهي بتلم أكلها وشربها إمبارح بعد ما خلصت وخلوا الاستاد نضيف.. كل مشكلتكم إننا قلنا هوف.. كل سنة وأصحابي طيبين عقبال مليون سنة.